Last Update :
18 May 2025
સિંગર રાહુલ વૈદ્ય લાંબા સમયથી ક્રિકેટર વિરાટ કોહલી વિરુદ્ધ એક પછી એક પોસ્ટ શેર કરી રહ્યો હતો. પહેલા, સિંગરે અવનીત કૌરની તસવીર લાઈક કર્યા પછી સ્પષ્ટતા આપવા બદલ ક્રિકેટરને ટ્રોલ કર્યો અને પછી ક્રિકેટર અને તેના ફેન્સને 'જોકર્સ' કહ્યા હતા. તેણે પોતાની એક પોસ્ટમાં તો એવું પણ કહ્યું હતું કે વિરાટ કોહલીએ તેને ઇન્સ્ટાગ્રામ પર બ્લોક કરી દીધો છે. હવે રાહુલ વૈદ્યએ પોતાની ઇન્સ્ટાગ્રામ સ્ટોરી પર એક નવી પોસ્ટ સાથે માહિતી આપી છે કે કિંગ કોહલીએ તેને અનબ્લોક કરી દીધો છે. રાહુલ વૈદ્ય, જેણે એક સમયે વિરાટને 'જોકર' કહ્યો હતો, તે આ પોસ્ટમાં ક્રિકેટરની પ્રશંસા પણ કરતો જોવા મળ્યો હતો.
GSTVની એપ્લિકેશન ડાઉનલોડ કરો
રાહુલ વૈદ્યની પોસ્ટ
રાહુલ વૈદ્યએ પોતાની નવી પોસ્ટમાં વિરાટ કોહલીની પ્રશંસા કરી અને એમ પણ કહ્યું કે કિંગ કોહલીએ તેને અનબ્લોક કરી દીધો છે. રાહુલે પોતાની પોસ્ટમાં લખ્યું- 'મને અનબ્લોક કરવા બદલ વિરાટ કોહલીનો આભાર. તમે ક્રિકેટના અત્યાર સુધીના શ્રેષ્ઠ બેટ્સમેનોમાંથી એક છો અને તમે ભારતનું ગૌરવ છો! જય હિન્દ. ભગવાન તમને અને તમારા પરિવારને આશીર્વાદ આપે."
વિવાદ શું છે?
વિરાટ કોહલીના ઇન્સ્ટાગ્રામ પરથી અવનીત કૌરના ફોટા લાઈક થયા બાદ વિવાદ શરૂ થયો હતો. આ પછી, વિરાટે એક સ્ટોરી શેર કરી જેમાં તેણે દાવો કર્યો કે તેને અવનીત કૌરનો ફોટો લાઈક નથી કર્યો, પરંતુ તે ઇન્સ્ટાગ્રામના અલ્ગોરિધમની ભૂલ હતી. વિરાટ કોહલીની આ પોસ્ટ પર મીમ્સ બનવા લાગ્યા અને રાહુલ વૈદ્ય પણ ટ્રોલર્સની યાદીમાં જોડાયો. તેણે વિરાટની પોસ્ટ પર કટાક્ષ કરતા એક સ્ટોરી શેર કરી, જેમાં તેણે કહ્યું હતું કે જો ભવિષ્યમાં તેના એકાઉન્ટમાંથી કોઈનો ફોટો લાઈક થશે, તો તે તેના કારણે નહીં પરંતુ અલ્ગોરિધમની ભૂલને કારણે હશે. બીજી એક પોસ્ટમાં, રાહુલ વૈદ્યએ દાવો કર્યો છે કે વિરાટ કોહલીએ તેને ઇન્સ્ટાગ્રામ પર બ્લોક કરી દીધો છે.
વિરાટ કોહલીને 'જોકર' કહ્યો હતો
આ પછી, રાહુલ વૈદ્યએ ઘણી બેક-ટુ-બેક સ્ટોરી શેર કરી, જેમાં તેણે વિરાટ કોહલી અને તેના ફેન્સને 'જોકર્સ' પણ કહ્યા. આ પોસ્ટ્સ પછી, રાહુલ વૈદ્ય પોતે ટ્રોલર્સનો શિકાર બન્યો. વિરાટ કોહલીએ તેની પોસ્ટ પર કોઈ પ્રતિક્રિયા નહતી આપી, પરંતુ તેના ભાઈ વિકાસ કોહલીએ ચોક્કસપણે એક પોસ્ટ દ્વારા પોતાની નારાજગી વ્યક્ત કરી હતી અને સિંગરને મૂર્ખ કહ્યો હતો. પરંતુ, હવે સિંગરે એક નવી પોસ્ટમાં જણાવ્યું છે કે વિરાટ કોહલીએ તેને અનબ્લોક કરી દીધી છે. તેણે કિંગ કોહલીના ઇન્સ્ટાગ્રામ એકાઉન્ટનો સ્ક્રીનશોટ પણ શેર કર્યો છે અને તેને શ્રેષ્ઠ ક્રિકેટર ગણાવ્યો છે. આ સાથે તેણે વિરાટના ભાઈ વિકાસ કોહલીની પ્રશંસા કરી છે અને તેને એક સારો વ્યક્તિ ગણાવ્યો છે.
