શતરંગ / નાનકડી વાર્તા: પાણી... પાણી...

- સહજને કિનારે

સિતારના સૂર રેલાઈ રહ્યા હતા. રાત જામેલી હતી. ધીમી ધીમી પગની ઠેક, ઝાંઝરનો રણકાર અને હળવા કંઠે ગવાતું સંગીત.  ઘુઘવતા શહેરના દૂર કિનારે એક ફાર્મહાઉસ, રોજ રાત  થાય અને રંગમહેલમાં પરિણમી જતું. એક રાજા આવતો અને રાણી – ક્યારેક ત્યાં હોય ક્યારેક રાજાની સાથે આવે. ફાર્મહાઉસ દૂર દૂરથી અંધારાથી ઘેરાયેલું હોય, બસ ત્રીજા માળના એક ઓરડાની કાચની બારીમાંથી ક્યારેક પડદા હલતા અને અજવાસ ચમકી જતો.