રાજ્યમાં વધુ એક કુકર્મની ઘટના, આણંદમાં ગરબા રમવા ગયેલી સગીરાને નશો કરાવી સામૂહિક દુષ્કર્મનો પ્રયાસ

મહિલાઓ માટે સલામત ગુજરાતના દાવાઓ પોકળ સાબિત થઈ રહ્યા છે. વડોદરા ભાયલી 11 સાયન્સની વિદ્યાર્થિની સાથે થયેલ સામૂહિક દુષ્કર્મના આરોપીઓ આજે પકડાયા છે ત્યારે ગત રાત્રે આણંદ નજીકના બેડવા ગામ પાસેના વલ્લીપુરામાં સગીરા સાથે સામુહિક દુષ્કર્મનો પ્રયાસ થયો હતો. ગત મોડી રાતની ઘટના બાદ સગીરાને સારવાર અર્થે વડોદરા ખસેડાઇ છે. 

રાજ્યમાં છેલ્લાં કેટલાક દિવસમાં જ દુષ્કર્મની અનેક ઘટનાઓ બની છે. દાહોદ, સુરેન્દ્રનગર, વડોદરા, મહેસાણા અને સુરતના માંડવીમાં દુષ્કર્મની ઘટનાની હજુ શાહી સૂકાઈ નથી. ત્યારે આણંદમાં સામૂહિક દુષ્કર્મનો પ્રયાસ કરાયો હોવાની ઘટના બની છે.