દાહોદ: માસૂમની હત્યા કરનાર લંપટ આચાર્ય સામે ભારે ફિટકાર, ફાંસી આપવાની ઉગ્ર માંગ

દાહોદ જિલ્લાના સીંગવડ તાલુકાની તોરણી પ્રાથમિક શાળાની ધોરણ-1ની માસૂમ વિદ્યાર્થિનીના હત્યારા 56 વર્ષના આચાર્ય ગોવિંદ નટ સામે સમગ્ર રાજ્યમાં ફિટકાર જોવા મળી રહ્યો છે. હત્યારા આચાર્યને ફાંસી આપવા અને ફાસ્ટ ટ્રેક કોર્ટમાં કેસ ચલાવવાની માંગણી બુલંદ બની છે. સમગ્ર રાજ્યમાં ભારે ચકચાર જગાવનાર આચાર્યએ માસૂમની છેડતી કરવામાં નિષ્ફળતા મળતાં કારમાં જ ગળું દાબીને ઠંડે કલેજે હત્યા કરીને વિદ્યાર્થિનીના મૃતદેહને પોતાની શાળામાં જ મૂકી દીધો હતો.