શતરંગ / બ્રેસ્ટ કેન્સર: પોતાના સ્તનના તમે પોતે જ ડોકટર બનો!

- કરન્ટ કીક

અભિનેત્રી મહિમા ચૌધરીથી લઈને તાજેતરમાં મોડેલ એક્ટ્રેસ હિના ખાનને માત્ર 36 વરસની ઉંમરે સ્તન કેન્સરનું નિદાન થાય એ જોતાં મહિલાઓમાં ભય તેમજ સાવચેતીનો માહોલ સર્જાય એ સ્વભાવિક છે. ભારતભરમાં દર વર્ષે 14 લાખ જેટલા નવા કેસો આ કેન્સરના સામે આવી રહ્યા છે. વર્લ્ડ હેલ્થ ઓર્ગનાઇઝેશનના રિપોર્ટ મુજબ ભારતમાં દર એક લાખમાંથી પચ્ચીસ મહિલાઓને આ કેન્સર થાય છે, તેમજ દરેક લાખમાંથી 13 મહિલાઓ મૃત્યુ પામે છે, જે કેન્સરના અન્ય કોઈ પણ પ્રકાર કરતા અત્યારે ખતરાની નિશાની મનાય છે. પણ જો આ "કેન્સર વૃત્તિ"ને સરખી સમજી લેવામાં આવે તો એની સામેની લડાઈ ઘણી સહેલી બની શકે એમ છે.