શતરંગ / મેગાપીક્સલની માથાકૂટ મૂકો, કેમેરામાં સારા ફોટા પાડવા હોય તો આટલું જાણી લો

- ટેક્નોપુરાણ 

     હમણાં કેદારનાથ ધામના કપાટ ખૂલ્યા અને એ વખતનો એક વિડીયો સોશિયલ મીડિયામાં વાઇરલ થયો જેમાં લખેલ હતું કે નવ્વાણુ ટકા રિલ બનાવનાર અને એક ટકા ભક્તો છે. કારણ પણ વ્યાજબી છે કેમ કે, એ વિડિયોમાં માત્રને માત્ર મોબાઈલ અને કેમેરા જ દેખાતા હતા. હવે આજકાલ જમાનો સોશિયલ મીડિયાનો છે અને એમાંય મોબાઇલમાં કેમેરો તો ગજબ જ જોઈએ.માટે જ્યારે કોઈને પણ મોબાઈલ લેવાનો હોય એટલે સૌથી મોટી માથાકૂટ હોય કે કયો ફોન લેવો કે જેમાં કેમેરો જોરદાર હોય અને ઝક્કાસ ફોટા પાડી સોશિયલ મીડિયામાં સોટ્ટા પાડી શકાય.પણ કયા ફોનનો કેમેરો સારો છે એ ખબર કેવી રીતે પડે? તમને થતું હશે કે મેગાપીક્સલથી. પણ એ વાત પૂરેપૂરી સાચી નથી. તો ચાલે જાણીએ, આ શું છે મેગાપીક્સલની માથાકૂટ