શતરંગ / અમીરોની અમીરી ઓછી થાય તો જ ગરીબોની ગરીબી ઘટે

- અર્થ અને તંત્ર 

તાજેતરમાં જે વૈશ્વિક અસમાનતા અહેવાલ  બહાર પાડવામાં આવ્યો છે તે એમ જણાવે છે એક ભારતમાં સૌથી ઉપરના એક ટકા લોકો 22.6 ટકા આવક ધરાવે છે અને સૌથી ઉપરના દસ ટકા લોકો 57.7 ટકા આવક ધરાવે છે. વચ્ચેના ચાલીસ ટકા લોકો અને સૌથી નીચેના પચાસ ટકા લોકો માત્ર 15 ટકા આવક ધરાવે છે. ભારતમાં દસ ટકા ધનવાનો દેશની 77 ટકા સંપત્તિ ધરાવે છે એમ ઓક્સફામ સંસ્થાનો એક અહેવાલ કહે છે. 2017માં જે સંપત્તિનું સર્જન થયું તેમાંથી 73 ટકા સંપત્તિ એક ટકા ધનાવાન પાસે ગઈ અને સૌથી ગરીબ 6.7 કરોડ લોકોને માત્ર એક ટકા જ સંપત્તિ મળી! આમ, ધનવાનો ખૂબ ધનવાન બની રહ્યા છે એ એક હકીકત છે. આ ભયંકર અસમાનતા ઓછી કરવાની જવાબદારી કોની?