શતરંગ / સાત મહીના બાકી હોવા છતાં પાકિસ્તાનમાં ઉપડ્યું ચેમ્પિયન્સ ટ્રોફીનું લેબર પેઈન

- ટાઈમ આઉટ

અત્યારની ભારત સરકારનું વલણ સ્પષ્ટ છે કે ICC દ્વારા આયોજિત અથવાતો અન્ય એવી કોઈ ટુર્નામેન્ટ જેમાં બેથી વધુ દેશો ભાગ લઇ રહ્યા હોય તે સિવાય ભારત અને પાકિસ્તાન વચ્ચે દ્વિપક્ષીય સિરીઝ રમવાને મંજૂરી નહીં અપાય. એક બીજું વલણ પણ સ્પષ્ટ છે કે પાકિસ્તાનમાં ભારત વિરોધી તત્વો ફૂલ્યાફાલ્યા હોવાને કારણે ઉપરની શરત પૂર્ણ થતી હોય તો પણ ભારતીય ક્રિકેટ ટીમને ક્રિકેટ રમવા માટે કોઇપણ સંજોગોમાં પાકિસ્તાન જવા નહીં દેવાય.