ગુજરાતના બે શહેરમાં પરિણીતાઓએ કરી આત્મહત્યા, એક મહિલાએ ઝેર ગટગટાવ્યું તો અન્ય યુવતીએ કેનાલમાં ઝંપલાવ્યું

રાજ્યમાં અલગ અલગ શહેરમાં બે પરિણીતાએ આત્મહત્યા કરવાની ઘટના સામે આવી છે. જસદણ અને જેતપુર તાલુકાની પરિણીત યુવતીઓએ આત્મહત્યા કરી હતી. રાજ્યના જસદણ તાલુકાના શિવરાજપુર ગામમાં રહેતી પરિણીતાએ આત્મહત્યા કરી છે. ઘરકંકાસના કારણે ઝેરી દવા ગટગટાવીને મોતને વ્હાલું કર્યું હતું.

પરિણીતાના 11 મહિના પહેલા જ લગ્ન થયા હતા

પરિણીતાના 11 મહિના પહેલા જ લગ્ન થયા હતા. યુવતીના પરિવારજનોએ સાસરીયા પર ગંભીર આરોપ લગાવ્યા હતા. આરોપ લગાવતા કહ્યું કે સાસરીયા તરફથી ત્રાસ આપતા હોવાના કારણે યુવતીએ જીવન ટુંકાવ્યું હતું. પરિણીતાના પિતાએ જસદણ પોલીસ મથકે ફરિયાદ નોંધાવી છે. જસદણ પોલીસે યુવતીના સાસરીયા વિરુદ્ધ ગુનો નોંધીને આગળની કાર્યવાહી હાથ ધરી છે.