મોંઘવારીનો માર: અમૂલે દૂધના ભાવમાં કર્યો મોટો વધારો, આજથી લાગુ

ગુજરાતની પ્રજાને મોંઘવારીના માર વચ્ચે વધુ એક ફટકો પડ્યો છે. અમૂલે દૂધના ભાવમાં વધારો કર્યો છે. સામાન્ય લોકો માટે દૂધની કિંમતમાં પ્રતિ લીટરે 2 રૂપિયા અને 500 મિલીલીટરમાં 1 રૂપિયાનો વધારો ઝીંકવામાં આવ્યો છે. અમૂલ દ્વારા કરવામાં આવેલો દૂધના ભાવનો વધારો આવતીકાલે ગુરુવાર(1 મે, 2025) થી લાગુ થશે.

GSTVની એપ્લિકેશન ડાઉનલોડ કરો

   

અમુલે દૂધના ભાવમાં પ્રતિ લિટર બે રૂપિયાનો વધારો થયો છે. અમુલ ગોલ્ડ, અમુલ તાજા અને અમૂલ શકિત નો સમાવેશ થાય છે. 

અમૂલ દૂધના ભાવમાં વધારો

અમૂલે જાહેર કરેલી સૂચના મુજબ, આણંદ તથા ખેડા જિલ્લામાં 1 મે, 2025ની સવારથી દૂધના ભાવનો વધારો અમલમાં આવશે. જેમાં અમૂલ સ્ટાન્ડર્ડ દૂધ, અમૂલ બફેલો દૂધ, ગોલ્ડ દૂધ, અમૂલ ટી સ્પેશિયલ, તાઝા સહિતની અમૂલના દૂધની પ્રોડક્ટમાં લિટર દિઠ 2 રૂપિયા અને 500 મિ.લિ. દિઠ 1 રૂપિયાનો ભાવનો વધારો કરવામાં આવ્યો છે.