કળિયુગી કંસ મામાના કારસ્તાનનો ભાંડો ફૂટી ગયો છે. વાપીથી ભીલાડમાં લગ્ન પ્રસંગમાં ગયા બાદ સાત વર્ષીય બાળક અચાનક ગુમ થતા પરિવારે પોલીસમાં અપહરણની ફરિયાદ નોંધાવી હતી. બાળક 39 કલાક બાદ વાપીની દમણગંગા નદી પાસે ઝાડી ઝાંખરામાંથી બેભાન હાલતમાં મળી આવ્યો હતો. આ કેસમાં મુંબઇમાં રહેતા બાળકના પિતરાઇ મામાએ જ પ્રેમિકાને 30 લાખ આપવા અન્ય બે વ્યક્તિને 10 લાખની લાલચ આપી અપહરણ કરાવ્યા હોવાનું પોલીસ તપાસમાં બહાર આવ્યું છે.

