ઉત્તર પ્રદેશના બલિયા જિલ્લાના સાગરપાલી ગામ પાસે કાચા તેલનો કૂવો મળવાની સંભાવના પર ONGCએ ખોદકામ શરૂ કર્યું છે, તેનાથી આસપાસના ખેડૂતોની જમીન સંપાદિત થવાની સંભાવના છે જેના કારણે ખેડૂતો સમૃદ્ધ બની શકે છે. બલિયામાં સ્વતંત્રતા સેનાની ચિટ્ટુ પાંડેના પરિવારની જમીન પર કાચા તેલનો મોટો ભંડાર મળી આવ્યો છે. ગંગા તટપ્રદેશમાં ત્રણ મહિનાના સર્વે બાદ આ જમીનમાં 3,000 મીટરની ઉંડાઇએ તેલનો ભંડાર મળી આવ્યો છે. ONGCએ સેનાની પરિવાર પાસેથી સાડા છ એકર જમીન ત્રણ વર્ષ માટે લીઝ પર લીધી છે અને વાર્ષિક રૂપિયા 10 લાખ ચૂકવી રહી છે.

