તમારી પર્સનલ માહિતી સુરક્ષિત છે. તમારો નંબર માત્ર અકાઉન્ટ વેરિફાય કરવા માટે જ લઈ રહ્યા છીએ.
Last Update :
20 Nov 2025
Gir Somnath news: ગીર-સોમનાથ જિલ્લાના મુખ્ય મથક એવા વેરાવળ નગરપાલિકામાં સરકારી કર્મચારી લાંચ લેતા રંગેહાથે ઝડપાયો છે. નગરપાલિકાના લગ્ન નોંધણી શાખાનો કર્મચારી ગોવિંદ કામળિયા રૂપિયા 7,300ની લાંચ લેતા એસીબીએ ઝડપી પાડયો હતો. આ કર્મચારીએ કુલ 42 ફાઈલો ક્લિયર કરી મેરેજ સર્ટિફિકેટ કાઢી આપવા અરજદાર પાસે 7300 રૂપિયા માગ્યા હતા. જેથી જાગૃત નાગરિકે એસીબીને જાણ કરી હતી. જે બાદ એસીબીની ટીમે ટ્રેપ (છટકું) ગોઠવીને વેરાવળ નગરપાલિકાના કર્મચારીને લાંચ લેતા સકંજામાં લઈને તેની સામે કાયદેસરની કાર્યવાહી હાથ ધરી હતી. સરકારી કર્મચારી લાંચ લેતા ઝડપાતા નગરપાલિકાના અધિકારીઓ, કર્મચારીઓમાં પણ ફફડાટ વ્યાપ્યો હતો.
