VIDEO: મહાકુંભમાં ગુજરાતના સાધ્વી બન્યા પ્રથમ મહિલા મહામંડલેશ્વર, પંચાયત નિર્મલ અખાડા દ્વારા અપાઈ પદવી

હાલમાં પ્રયાગરાજમાં મહાકુંભ યોજાઇ રહ્યો છે, 140 વર્ષ પછી મહાકુંભનો આ યોગ સંયોગ સર્જાયો હોવાથી દેશ-વિદેશમાંથી શ્રદ્ધાળુઓ ગંગા સ્નાન કરવા આવે છે. ત્યારે સાધ્વી ગીતા હરીને પ્રથમ મહામંડલેશ્વર બનાવવામાં આવ્યા છે. સાધ્વી ગીતા હરી મૂળ ગુજરાતના છે. શ્રી પંચાયત નિર્મલ અખાડા દ્વારા તેમને મહામંડલેશ્વરનું પદ આપવામાં આવ્યું છે.

GSTVની એપ્લિકેશન ડાઉનલોડ કરો

   

આ પણ વાંચોઃ  મહાકુંભ માટેની ST બસને CM ભૂપેન્દ્ર પટેલે આપી લીલીઝંડી, ગુજરાતીઓ માટે ખાસ રાત્રિ રોકાણ સહિતની સુવિધાઓ

સાધ્વી ગીતા હરી પ્રથમ મહિલા મહામંડલેશ્વર બનતાં તેમણે આભાર અને ખુશી વ્યક્ત કરી હતી. આ અખાડામાં પહેલાં કોઈ મહામંડલેશ્વર મહિલા સંત નહોતા, હું પ્રથમ મહિલા મહામંડલેશ્વર બની છું. શ્રી પંચાયત નિર્મલ અખાડા દ્વારા આ મહામંડલેશ્વરનું પદ આપ્યું છે, તેના માટે સૌ સંતોનો આભાર વ્યક્ત કરું છું.  મારા ગુરુજી જગતગુરુ અવિચલ દેવચાર્યજી મહારાજની કૃપા અને અખાડાના મહંત જ્ઞાનદેવસિંહજી મહારાજના આશીર્વાદથી આ બધું શક્ય બન્યું છે. 

https://twitter.com/ANI/status/1883463975435972842

26 જાન્યુઆરીએ પટ્ટાભિષેક યોજાયો હતો, આ મારા માટે યાદગાર અને ઐતિહાસિક દિવસ રહેશે. હું અત્યારે જે માનવ સેવા કરી રહી છું, તે આગળ પણ કરતી રહીશ.  મહામંડલેશ્વર બન્યા પછી મારી ભૂમિકા ઘણી બદલાઈ જશે. અખાડામાંથી મને જે પણ આદેશ મળશે તે પ્રમાણે દેશના હિત સાથે માનવ કલ્યાણ માટે કાર્ય કરીશ. મારા દેશ હિત સર્વોપરી છે.