Last Update :
11 Jun 2025
Sabarkantha News: ગાંધીના ગુજરાતમાં ઠેક ઠેકાણેથી દારુ ઝડપાવવાની ઘટનાઓ સામે આવે છે. એવામાં સાબરકાંઠામાં ગ્રામ પંચાયતની ચૂંટણીમાં સરપંચ ઉમેદવાર દારુ સાથે ઝડપાયા છે. સાબરકાંઠામાં મહાદેવપુરા ગ્રામ પંચાયતમાં સરપંચ પદની ચૂંટણી લડી રહેલા ઉમેદવાર વિદેશી દારૂના જથ્થા સાથે ઝડપાયા છે.
GSTVની એપ્લિકેશન ડાઉનલોડ કરો
ચૂંટણીમાં મતદારોને વેચવા માટે લવાયેલો દારૂ ઝડપાયો હતો. એલસીબી પોલીસે તલોદ તાલુકાના કાલીપુરા પાસેથી ગાડી ઝડપી છે. મહાદેવપુરા ગ્રામ પંચાયતમાં ચૂંટણીમાં ઉમેદવાર તરીકે સુરેન્દ્રગીરી ગોસ્વામીએ ઉમેદવારી કરી હતી.
ચૂંટણીમાં મતદારોને દારૂ પીવડાવવા માટે 384 બોટલો લઈને આવતા કાલીપુરા પાસેથી ઝડપાયા હતા. પોલીસે બે લોકો સાથે 3,69,000થી વધુનો મુદ્દામાલ કબજે કર્યો છે. તેમજ સરપંચ પદના ઉમેદવાર અને અન્ય એક ઈસમની અટકાયત કરી આગળની કાર્યવાહી હાથ ધરી છે.
