Last Update :
03 Jun 2025
ભારતે અરબી સમુદ્ર ક્ષેત્રમાં એક મોટા નૌકાદળ ફાયરિંગ કવાયત અંગે NOTAM (Notice to Airmen જાહેર કરી છે. આ કવાયત 8 જૂનથી 11 જૂન દરમિયાન પશ્ચિમ કિનારા પર મુંબઈ સમુદ્ર વિસ્તારમાં યોજાશે. સૂચના અનુસાર, આ નૌકાદળ કવાયત 96,000 ચોરસ કિલોમીટરના વિશાળ વિસ્તારમાં હાથ ધરવામાં આવશે, જેની મહત્તમ લંબાઈ લગભગ 600 કિલોમીટર હશે. પ્રેક્ટિસનો સમય ૮ જૂનના રોજ સવારે ૮:૦૦ વાગ્યે (ભારતીય સમય મુજબ) થી શરૂ થશે અને ૧૧ જૂનના રોજ સાંજે ૭:૩૦ વાગ્યે (ભારતીય સમય મુજબ) સુધી ચાલશે.
GSTVની એપ્લિકેશન ડાઉનલોડ કરો
નાગરિક અને વાણિજ્યિક જહાજો અને વિમાનોને આ વિસ્તારથી દૂર રહેવાની સલાહ આપવામાં આવી છે. ભારતીય નૌકાદળના આ કવાયતનો ઉદ્દેશ્ય દરિયાઈ વ્યૂહાત્મક તૈયારીઓનું પરીક્ષણ કરવાનો અને લડાયક ક્ષમતાઓને મજબૂત કરવાનો છે.
અરબી સમુદ્રમાં ફાયરિંગ કવાયત
આ પહેલા ભારતીય નૌકાદળે 3 થી 7 મે દરમિયાન ફાયરિંગ પ્રેક્ટિસ કરી હતી. આ કવાયત કર્ણાટકના કારવાર કિનારાથી લગભગ 390 કિમી દૂર અરબી સમુદ્રમાં યોજાઈ હતી. ઉલ્લેખનીય છે કે આ પ્રકારની કસરતો માત્ર નિયમિત તાલીમનો ભાગ નથી પણ પાકિસ્તાન માટે સ્પષ્ટ ચેતવણી પણ છે. નૌકાદળનું વ્યૂહાત્મક કેન્દ્ર એવા કારવાર નેવલ બેઝ પરથી આ ફાયરિંગ કવાયત એક રીતે દર્શાવે છે કે ભારત દરિયાઈ સરહદ પર પણ સતર્ક અને આક્રમક નીતિ અપનાવી રહ્યું છે.
ભારતની ત્રણેય સેનાઓ તૈયાર
પહેલગામ હુમલા બાદ પાકિસ્તાન સાથે તણાવ વધી ગયો છે. આવી સ્થિતિમાં, ભારત હવે તમામ પ્રકારની પ્રતિ-વ્યૂહરચના પર કામ કરી રહ્યું છે. આ ગોળીબાર (ફાયરીંગ ડ્રીલ) કવાયત માત્ર એક પરીક્ષણ નથી પણ પાકિસ્તાન અને તેના દ્વારા સમર્થિત આતંકવાદી સંગઠનોને કહેવાનો એક માર્ગ પણ છે કે ભારતની ત્રણેય સેનાઓ તૈયાર છે. આ ઉપરાંત, ભારતીય નૌકાદળ અને દરિયાઈ સુરક્ષાની તાકાતને મજબૂત બનાવવા માટે આ એક ખૂબ જ ખાસ પગલું છે.
