તમારી પર્સનલ માહિતી સુરક્ષિત છે. તમારો નંબર માત્ર અકાઉન્ટ વેરિફાય કરવા માટે જ લઈ રહ્યા છીએ.
Last Update :
20 Nov 2025
ઇન્ટરનેટના ઇતિહાસમાં સૌથી મોટી પાસવર્ડ તફડંચીમાં 16 અબજ પાસવર્ડ થોડો સમય માટે ઓનલાઇન થઇ જતાં સાયબરવર્લ્ડમાં ઉથલપાથલ થઇ ગઇ છે. દુનિયાની ટોચની કંપનીઓ એપલ,ગૂગલ, મેટાના ગ્રાહકો તથા ગીટહબના ડેવલપર્સ અને સરકારી પોર્ટલ્સના લોગઇન, ઇ મેઇલ્સ અને પાસવર્ડઝની સંખ્યાબંધ ઇન્ફોસ્ટીલર્સ દ્વારા ચોરી કરવામાં આવી હોવાનું સંશોધકોએ જણાવ્યું હતું. સાયબર ન્યૂઝ અને ફોર્બ્સના અહેવાલ અનુસાર આ લીકને કારણે કરોડો વપરાશકારોની અંગત માહિીત જોખમી બની ચૂકી છે અને તેના કારણે ઓળખ ચોરાઇ જવાના અને હેકિંગના કૌભાંડો થવાની શક્યતાઓ છે. લોગઇન અને પાસવર્ડ એમ વ્યવસ્થિત ફોર્મમાં ગોઠવાયેલાં ડેટાનો કોઇપણ દુરૂપયોગ કરી શકે તેમ હોઇ નિષ્ણાતોએ વપરાશકારોને તેમના લોગઇન અને પાસવર્ડઝ બદલી નાખવાની સલાહ આપી છે.
