શતરંગ / માણીશું ક્યારે?

- સ્વાન્ત: સુખાય

એક તબીબ મિત્ર જે સ્વયં એક સારા ચિત્રકાર છે, ગાયક પણ છે અને તસ્વીરકલામાં પણ નિપુણ છે એમને મળવાનું બન્યું. પુસ્તકોની વાત નીકળી તો એમણે કહ્યું કે હવે મેં વાંચવાનું બંધ કર્યું છે ! આ નવાઈ લાગે તેવી વાત હતી જ. માટે અમારા ચહેરા પર પ્રગટેલા પ્રશ્નચિહ્ન જોઈ એમણે ફોડ પાડ્યો. તબીબસાહેબનું કહેવા પ્રમાણે બાળપણથી વાંચનનો શોખ હોઈ અનેક પુસ્તકો વાંચ્યા અને એ વાંચન તેમજ વાંચ્યા પછીના ચિંતનમાંથી એક સમજણ પ્રગટી. એને આપણે ડહાપણ પણ કહી શકીએ. જો નવું નવું ઠાલવ્યા જ કરીશું તો એ ડહાપણ કે સમજણને જીવીશું ક્યારે?