કર્ણાટકના મુખ્યમંત્રી સિદ્ધારમૈયાને મોટો ફટકો! MUDA કેસમાં તપાસ થશે, કોર્ટે આપ્યો આદેશ

કર્ણાટકની એક ખાસ કોર્ટે લોકાયુક્ત પોલીસને MUDA સાઇટ ફાળવણી કેસમાં તપાસ ચાલુ રાખવાનો આદેશ આપ્યો છે. આ મામલામાં સીએમ સિદ્ધારમૈયા કથિત રીતે સંડોવાયેલા છે. મુડા કેસમાં લોકાયુક્ત પોલીસ દ્વારા દાખલ કરાયેલા બી-રિપોર્ટ પર સવાલ ઉઠાવતી કાર્યકર્તા સ્નેહમયી કૃષ્ણા દ્વારા દાખલ કરાયેલી અરજી પર કોર્ટે આદેશ મુલતવી રાખ્યો હતો.

GSTVની એપ્લિકેશન ડાઉનલોડ કરો

   

કોર્ટે કહ્યું કે પોલીસે તેની તપાસ પૂર્ણ કરવી જોઈએ અને ત્યાં સુધી બી રિપોર્ટ પર કોઈ આદેશ આપવામાં આવશે નહીં. કોર્ટે એન્ફોર્સમેન્ટ ડિરેક્ટોરેટ (ED) ને લોકાયુક્ત રિપોર્ટ સામે વિરોધ અરજી દાખલ કરવાની પણ મંજૂરી આપી છે. કોર્ટે આ મામલાની સુનાવણી 7 મે, 2025 સુધી મુલતવી રાખી છે.

કર્ણાટકના મુખ્યમંત્રી સિદ્ધારમૈયા અને તેમના પરિવારને અગાઉ MUDA કેસમાં રાહત આપવામાં આવી હતી. લોકાયુક્ત પોલીસે કહ્યું હતું કે આ કેસમાં સીએમ સિદ્ધારમૈયા, તેમની પત્ની અને અન્ય લોકો વિરુદ્ધ કોઈ પુરાવા મળ્યા નથી. ફેબ્રુઆરી 2024માં, સિદ્ધારમૈયાને સમન્સ મોકલવામાં આવ્યું હતું, ત્યારબાદ તેઓ લોકાયુક્ત પોલીસ સમક્ષ હાજર થયા હતા, જ્યાં લોકાયુક્ત પોલીસે લગભગ 2 કલાક સુધી મુખ્યમંત્રીની પૂછપરછ કરી હતી.

શું છે MUDA જમીન ફાળવણી કેસ?

આ સમગ્ર મામલો મૈસુર શહેરી વિકાસ સત્તામંડળ (MUDA) સાથે સંબંધિત છે જેમાં મુખ્યમંત્રી સિદ્ધારમૈયા પર તેમની પત્નીને ગેરકાયદેસર રીતે જમીન ફાળવવાનો આરોપ છે. આ ફાળવણી કર્ણાટકમાં ભાજપ સરકાર હતી ત્યારે કરવામાં આવી હતી. આરટીઆઈ કાર્યકર્તા સ્નેહમયી કૃષ્ણાએ હાઈકોર્ટમાં રિટ અરજી દાખલ કરીને માંગ કરી હતી કે મુડા તરફથી મુખ્યમંત્રી સિદ્ધારમૈયાની પત્ની પાર્વતીને 14 જગ્યાઓ ફાળવવામાં આવી હતી તેની તપાસ સીબીઆઈને સોંપવામાં આવે.