Last Update :
10 Apr 2025
છોટાઉદેપુરમાંથી આદિવાસી સમાજ તરફથી વધુ એક વિવાદ સામે આવ્યો છે. છોટાઉદેપુર જિલ્લામાં નસવાડી તાલુકામાં એક હાઈડ્રો પ્રોજેક્ટને લઈને ત્યાં વસતા આદિવાસી સમાજમાં ભયનો માહોલ સર્જાયો છે. નસવાડી તાલુકાના ડુંગર વિસ્તારના 10થી વધુના ગામોમાં આગામી સમયમાં આવનારા હાઇડ્રો પ્રોજેક્ટના વિરોધને લઈ આદિવાસીઓ સાથે સમાજના આગેવાનોની બેઠક યોજાઈ હતી.
GSTVની એપ્લિકેશન ડાઉનલોડ કરો
હાઇડ્રો પ્રોજેક્ટ સર્વેને લઈ છેલ્લા એક મહિનાથી વિસ્તારમાં વિવાદ ચાલી રહ્યો છે. આદિવાસીઓ જળ, જંગલ, જમીન ન છોડવા મક્કમ બન્યા છે. હાઇડ્રો પ્રોજેક્ટ સર્વે વિસ્તારના આદિવાસી સર્વે કરવા દેવા માંગતા જ નથી. સરકાર સામે આદિવાસીઓ લડી લેવાના મૂડમાં હોઈ ગામે ગામ બેઠકોના દોર શરૂ કરવામાં આવ્યા છે. ગ્રામજનોનો આક્ષેપ છે કે હાઈડ્રો પ્રોજેક્ટને કારણે અઢળક ગામડાઓ વિસ્થાપિત થશે.
