Last Update :
08 May 2025
ભારતીય વાયુસેનાએ પાકિસ્તાનના F-16 ફાઇટર પ્લેનને તોડી પાડીને મોટી સફળતા મેળવી છે. આ કાર્યવાહી ત્યારે થઈ જ્યારે પાકિસ્તાની વિમાન ભારતીય હવાઈ ક્ષેત્રમાં પ્રવેશવાનો પ્રયાસ કરી રહ્યું હતું. ભારતીય રડાર અને લડાકુ વિમાનોની સતર્કતાએ સમયસર તેને નિશાન બનાવ્યું. આ પગલું નિયંત્રણ રેખા (LoC) ની નજીકના KG ટોપ વિસ્તારમાં લેવામાં આવ્યું હતું, જ્યાં પાકિસ્તાની લડાકુ વિમાનો ઘૂસવાની તૈયારી કરી રહ્યા હતા.
GSTVની એપ્લિકેશન ડાઉનલોડ કરો
ભારતીય સેનાની આધુનિક S-400 મિસાઇલ ડિફેન્સ સિસ્ટમે તાત્કાલિક કાર્યવાહી કરી અને પાકિસ્તાન દ્વારા છોડવામાં આવેલી 8 મિસાઇલોને હવામાં જ નષ્ટ કરી દીધી. સેનાના સૂત્રોના જણાવ્યા અનુસાર, આ મિસાઇલોનું લક્ષ્ય જમ્મુ હવાઈ પટ્ટી હતું, પરંતુ સમયસર જવાબી કાર્યવાહીથી મોટું નુકસાન ટળી ગયું.
આ સાથે, ભારતીય સેનાના વાયુ સંરક્ષણ એકમોએ પાકિસ્તાનના એક F-16 ફાઇટર જેટને પણ તોડી પાડ્યું. આ કાર્યવાહી નિયંત્રણ રેખા નજીક કરવામાં આવી હતી, જ્યારે પાકિસ્તાની જેટ્સે ભારતીય હવાઈ ક્ષેત્રમાં ઘૂસણખોરી કરવાનો પ્રયાસ કર્યો હતો.
પાકિસ્તાન દ્વારા ભારતીય સરહદ તરફ ઘણા ડ્રોન પણ મોકલવામાં આવ્યા હતા, જેને સેનાના હવાઈ સંરક્ષણ એકમો દ્વારા સમયસર નિશાન બનાવવામાં આવ્યા હતા અને તોડી પાડવામાં આવ્યા હતા. આ ડ્રોન નિયંત્રણ રેખા નજીક કેજી ટોપ વિસ્તારમાં જોવા મળ્યા હતા.
ભારતીય સેનાએ કહ્યું છે કે દેશની સુરક્ષા સાથે કોઈ સમાધાન કરવામાં આવશે નહીં. સેના દરેક પરિસ્થિતિ માટે તૈયાર છે અને બદલો લેવા માટે સંપૂર્ણપણે તૈયાર છે.
