Last Update :
11 May 2025
ભારત અને પાકિસ્તાન વચ્ચે વધતા લશ્કરી તણાવ બાદ પરસ્પર સંમતિથી યુદ્ધવિરામની જાહેરાત કરવામાં આવી હતી. 12 મેના રોજ બંને દેશો આ મુદ્દા પર ફરી એકવાર વાત કરવાના હતા. પરંતુ આ પહેલા પાકિસ્તાને ફરી એકવાર પોતાનો સ્વભાવ જાહેર કર્યો છે. પાકિસ્તાને યુદ્ધવિરામનું ઉલ્લંઘન કર્યું અને જમ્મુ, સાંબા અને રાજૌરીમાં ડ્રોન હુમલા કર્યા. ભારતની વાયુ સંરક્ષણ પ્રણાલીએ બધા ડ્રોનને સંપૂર્ણપણે નષ્ટ કરી દીધા છે અને કોઈ જાનહાનિના અહેવાલ નથી.
GSTVની એપ્લિકેશન ડાઉનલોડ કરો
સેહવાગે પાકિસ્તાન પર કટાક્ષ કર્યો
યુદ્ધવિરામ પછી તરત જ પાકિસ્તાનના વલણમાં ફેરફારને કારણે, ભૂતપૂર્વ ભારતીય ક્રિકેટર વીરેન્દ્ર સેહવાગ (Virender Sehwag) એ સોશિયલ મીડિયા પ્લેટફોર્મ X પર પોસ્ટ કરી અને લખ્યું કે, "કૂતરાની પૂંછડી વાંકી તે વાંકી જ રહે છે." તેણે પાકિસ્તાન પર કટાક્ષ કર્યો છે.
https://twitter.com/virendersehwag/status/1921236534935666812
આ પહેલા વીરેન્દ્ર સેહવાગ (Virender Sehwag) એ ભારતીય સશસ્ત્ર દળોના સમર્થનમાં ટ્વિટ કર્યું હતું, જેમાં તેણે લખ્યું હતું કે, "પાકિસ્તાનને ચૂપ રહેવાની તક મળી ત્યારે તેણે યુદ્ધનો માર્ગ પસંદ કર્યો. તેણે પોતાની આતંકવાદી સંપત્તિનું રક્ષણ કરવા માટે યુદ્ધ કર્યું હતું તે હકીકત તેના વિશે ઘણું બધું કહી જાય છે. આપણા દળો સૌથી તેનો જવાબ આપશે, તે પણ એવી રીતે કે પાકિસ્તાન ક્યારેય ભૂલશે નહીં."
https://twitter.com/virendersehwag/status/1920529068274962732
ભારતે ઓપરેશન સિંદૂર શરૂ કર્યું હતું
22 એપ્રિલના રોજ ભારતના પહેલગામમાં આતંકવાદીઓ દ્વારા 26 નિર્દોષ લોકોની હત્યા કરવામાં આવી હતી. આ પછી, ભારતે ઓપરેશન સિંદૂર શરૂ કર્યું અને પાકિસ્તાન અને પીઓકેમાં નવ આતંકવાદી ઠેકાણાઓનો નાશ કર્યો. ભારતે પાકિસ્તાનના કોઈપણ નાગરિક કે લશ્કરી ઠેકાણા પર હુમલો નથી કર્યો, ફક્ત આતંકવાદી ઠેકાણાઓનો નાશ કર્યો છે. આ પછી, પાકિસ્તાની સેનાના ઘણા અધિકારીઓ પણ આતંકવાદીઓના અંતિમ સંસ્કારમાં સામેલ થયા હતા.
પાકિસ્તાને સામાન્ય ભારતીય નાગરિકોને નિશાન બનાવ્યા. તેણે જમ્મુ, જેસલમેર અને પઠાણકોટમાં ડ્રોન મોકલ્યા. ભારતીય સેનાએ પણ યોગ્ય જવાબ આપ્યો છે. ભારતીય સેનાની કાર્યવાહીથી લાહોર, પેશાવર, સરગોધા અને સિયાલકોટ સહિત પાકિસ્તાનના ઘણા વિસ્તારોમાં ભારે તબાહી મચી ગઈ છે.
