શતરંગ / નાનકડી વાર્તા: ભૂતગઢ

- થ્રિલ માંગે મોર

ગામના પાદરમાં બાઈક ઊભી રાખી કે તરત જ ડોક્ટર મકવાણાને સૌએ આપેલી પેલી ચેતવણી ફરી યાદ આવી ગઈ કે એ ગામમાં ખાલી પરણીને ગયેલી વહુને જ અપનાવાય છે, ધંધા કે નોકરી માટે ગયેલાને તબેલાવાળું ભૂત કાં તો પતાવી દે છે કાં સરખી રીતે જીવવા દેતું નથી. પણ ડોક્ટર મકવાણાને નહોતો ભૂતમાં વિશ્વાસ કે નહોતી એવા કારણસર પહેલી નોકરી જતી કરવાની ઈચ્છા. એટલે તેમણે બધી જ ચેતવણીની દરકાર કર્યા વિના સરકારી દવાખાનાંમાં દાક્તરની જવાબદારી સ્વીકારી લીધી હતી.