Last Update :
26 Apr 2025
દક્ષિણ ગુજરાત જાણે અભ્યારણ્ય બની ગયું હોય તેમ છાસવારે દીપડાઓ દેખાઈ રહ્યાં છે. ત્યારે નવસારી જિલ્લાના ચીખલી તાલુકાના સાદકપોર ગામમાં વારંવાર દીપડાના દર્શન થતા હતા. સ્થાનિક રહીશોએ વન વિભાગને પાંજરું મૂકવાની રજૂઆત કરી હતી. અલ્પેશભાઈ પટેલના ખેતરમાં મૂકવામાં આવેલા પાંજરામાં આશરે 5 વર્ષની ઉંમરનો દીપડો પકડાયો છે. વેટરનરી ડોક્ટર દ્વારા તપાસ કરવામાં આવતા દીપડો સ્વસ્થ જણાયો છે. વન વિભાગે તેને જંગલમાં છોડવાની કાર્યવાહી શરૂ કરી છે.
GSTVની એપ્લિકેશન ડાઉનલોડ કરો
દીપડાની વધતી વસતી
ગ્રામ્ય વિસ્તારના લોકોએ સુરક્ષા માટે ઘર પાસે સીસીટીવી કેમેરા લગાવવાનું શરૂ કર્યું છે. કેમેરામાં દીપડાની હલચલ કેદ થતાં વન વિભાગને તુરંત જાણ કરવામાં આવે છે. નવસારી જિલ્લાના પૂર્વ પટ્ટીના ગામડાઓમાં દીપડાની વસ્તી વધી રહી છે. સ્થાનિકો દીપડા સાથે સહઅસ્તિત્વ કેળવવા માટે વન વિભાગ પાસે જાગૃતિ કાર્યક્રમોની માંગ કરી રહ્યા છે.
મરઘા મુખ્ય શિકાર
દીપડો ખેતીને નુકસાન કરતા ભૂંડનો શિકાર કરતો હોવાથી ખેડૂતોનો મિત્ર પણ ગણાય છે. વન વિભાગના જણાવ્યા મુજબ, દીપડો સામાન્ય રીતે નીચે વળીને કામ કરતા ખેડૂતોને શિકાર સમજે છે. નાના બાળકો, કૂતરા, ભૂંડ અને મરઘા પણ તેના મુખ્ય શિકાર છે. વન વિભાગે ખેડૂતોને સમયાંતરે ઊભા થઈને કામ કરવાની સલાહ આપી છે.
