સુરત અને તાપી જિલ્લાના લાખો પશુપાલકો માટે આશાજનક સમાચાર સામે આવ્યા છે. સુમુલ ડેરી દ્વારા દૂધના ભાવમાં પ્રતિ કિલોફેટ રૂપિયા ૨૦ નો વધારો કરવામાં આવ્યો છે. જેના કારણે ગ્રામ્યસ્તરે રહેતા પશુપાલકોને આર્થિક રીતે મોટો સહારો મળશે. સુમુલ ડેરીના ચેરમેન માનસિંગ પટેલે આ ભાવવધારાની જાહેરાત કરતાં જણાવ્યું હતું કે, છેલ્લા કેટલાક સમયથી પશુપાલન ખર્ચમાં વધારો થયો છે. પશુઓને ચારો, ઔષધો અને રખડાવવાની ખર્ચાળ પ્રવૃત્તિઓથી પશુપાલકો પર આર્થિક બોજો વધ્યો હતો. આવા સંજોગોમાં દૂધના ભાવમાં થયેલો વધારો સમયોચિત અને જરૂરી છે.

