Last Update :
07 Apr 2025
Sensex: ભારતીય બેન્ચમાર્ક ઇક્વિટી ઈન્ડેક્સ બીએસઇ સેન્સેક્સ અને નિફ્ટી-50 સોમવારે 4 જૂન, 2024 પછીની તેમની સૌથી મોટી ખોટ સાથે બંધ થયા કારણ કે વૈશ્વિક વેપાર યુદ્ધ વધવાની આશંકા વચ્ચે વૈશ્વિક બજારોમાં ઘટાડો થયો હતો.
GSTVની એપ્લિકેશન ડાઉનલોડ કરો
આજે બીએસના 30 શેરો વાળા પ્રમુખ ઈન્ડેક્સ સેન્સેક્સ લગભગ 4000 પોઈન્ટના ઘટાડા સાથે 71,449.94ના સ્તર પર ખુલ્યા છે. ટ્રેડિંગ દરમિયાન ઈન્ડેક્સ ઘટીને 71,425.01 પોઈન્ટ થઈ ગયો હતો. અંતે, સેન્સેક્સ 2226.79 પોઈન્ટ અથવા 2.95%ના જંગી ઘટાડા સાથે 73,137.90 પર બંધ થયો.
એ જ રીતે નેશનલ સ્ટોક એક્સચેન્જ (એનએસઇ)નો નિફ્ટી-50 પણ 1000થી વધુ પોઈન્ટના ઘટાડા સાથે 21,758.40 પર ખુલ્યો હતો. દિવસના ટ્રેડિંગ દરમિયાન ઈન્ડેક્સ ઘટીને 21,743.65 પોઈન્ટ પર આવી ગયો હતો. અંતે તે 742.85 પોઈન્ટ અથવા 3.24% ઘટીને 22,161.60 પર બંધ રહ્યો હતો.
રોકાણકારોના 13 લાખ કરોડ રૂપિયા સાફ થઇ ગયા
સોમવારે ભારતીય શેરબજારમાં આવેલા મોટા ઘટાડાથી રોકાણકારોને મોટું નુકસાન થયું છે. બીએસઇ પર લિસ્ટેડ કંપનીઓનું માર્કેટ કેપ ઘટીને રૂ. 3,90,70,081.92 લાખ કરોડ થયું હતું. શુક્રવારે તે 404,09,600 લાખ કરોડ રૂપિયા હતો. આ રીતે રોકાણકારોની સંપત્તિમાં આજે 13,39,519 કરોડ રૂપિયાનો ઘટાડો થયો છે.
આજે શેરબજારમાં ઘટાડાનું કારણ?
1. અમેરિકી રાષ્ટ્રપતિ ડોનાલ્ડ ટ્રમ્પે ચીનની નિકાસ પર 54 ટકા ટેરિફ લાદી છે. જવાબમાં, બેઇજિંગે તમામ અમેરિકન આયાત પર 34 ટકા ટેરિફ લાદ્યો.
2. વિશ્લેષકો માને છે કે ટેરિફ પોલિસી અમેરિકામાં ફુગાવો વધી શકે છે. તેનાથી માંગ નબળી પડશે અને મંદીનું જોખમ વધશે. બર્નસ્ટીને જણાવ્યું હતું કે ટેરિફ નોંધપાત્ર છે અને હવે લગભગ 60 ટકા અસરગ્રસ્ત આયાત 20 ટકા કરતાં વધુ ડ્યુટીનો સામનો કરી રહી છે.
3. વૈશ્વિક ટ્રેડ વોરના કારણે ભારતીય શેરોમાં ફરીથી ખરીદારી નીકળી હતી તેને ફટકો પડ્યો છે. વિદેશી સંસ્થાકીય રોકાણકારો છેલ્લા પાંચ ટ્રેડિંગ સેશનથી ચોખ્ખા વેચાણકર્તા રહ્યા છે. આના પરિણામે આ વર્ષે ₹1.5 ટ્રિલિયનનો આઉટફ્લો થયો છે. દરમિયાન, સ્થાનિક સંસ્થાકીય રોકાણકારોએ ₹1.93 લાખ કરોડના શેર ખરીદ્યા છે.
શુક્રવારે બજાર કેવું હતું?
શુક્રવારના ટ્રેડિંગ સેશનની શરૂઆતમાં, સેન્સેક્સ 930.67 પોઈન્ટ અથવા 1.22% ઘટીને 75,364.69 પર બંધ થયો હતો. તે જ સમયે, નિફ્ટી 50 345.65 પોઈન્ટ ઘટીને 1.49% ઘટીને 22,904.45 પર બંધ થયો હતો.
અગાઉનો સૌથી મોટો ઘટાડો 4 જૂન, 2024ના રોજ હતો
લોકસભા ચૂંટણીના પરિણામોના દિવસે 4 જૂને ભારતીય શેરબજારમાં મોટો ઘટાડો જોવા મળ્યો હતો. તે દિવસે બેન્ચમાર્ક ઇન્ડેક્સ 5 ટકાથી વધુ ઘટ્યો હતો. સેન્સેક્સ 4,389.73 પોઈન્ટ્સ અથવા 5.74 ટકાના ઘટાડા સાથે 72,079.05 પર અને નિફ્ટી 1,379.40 પોઈન્ટ્સ અથવા 5.93 ટકાના ઘટાડા સાથે 21,884.50 પર બંધ થયો હતો.
મોટા ભાગના એક્ઝિટ પોલ્સે ભાજપની જંગી જીતની આગાહી કર્યા બાદ ભારતીય શેરબજારો રેકોર્ડ ઉંચી સપાટીએ પહોંચ્યા હતા. જોકે, પરિણામોના દિવસે 4 જૂને શેરબજારમાં ભારે ઘટાડો થયો હતો, જ્યારે તે સ્પષ્ટ થઈ ગયું હતું કે ભાજપને પોતાના દમ પર બહુમતી નથી મળી રહી.
52 સપ્તાહની સૌથી નીચલી સપાટીએ પહોંચ્યા આ શેરો
1. બજાજ ઓટો
2. ભારત ફોર્જ ઓટો/એન્જિનિયરિંગ
3. સિપ્લાફાર્મા
4. ડાબરએફએમસીજી
5.ડીએલએફઆર રિયલ એસ્ટેટ
6. ડૉ. રેડ્ડીઝ લેબોરેટરીઝ ફાર્મા
7. હેવેલ્સ કન્ઝ્યુમર ડ્યુરેબલ્સ
8. હીરો મોટો કોર્પ
9. હિન્દાલકોમેટલ્સ
10. એલટીઆઇ માઇન્ડ ટ્રી
11. સંવર્ધન મધરસન ઇન્ટરનેશનલ ઓટો એન્સિલરી
12. ઓએનજીસી એનર્જી/ઓઇલ એન્ડ ગેસ
