રાજ્યમાં બેફિકરાઈથી વાહન ચલાવવા અને હિટ એન્ડ રનના કેસોમાં નોંધપાત્ર વધારો થઈ રહ્યો છે, આવા જ અકસ્માતના બે કિસ્સા અમદાવાદ અને વલસાડમાં બન્યા હતા. અમદાવાદના રાણીપ વિસ્તારમાં હિટ એન્ડ રનના બનાવમાં એક પોલીસકર્મીનું સારવાર દરમ્યાન મોત નીપજ્યું હતું, જે બાદ પોલીસે અકસ્માતે મોતનો ગુનો નોંધી વધુ તપાસ હાથ ધરી છે. જ્યારે વલસાડમાં કચરાના ટ્રેક્ટરમાં બાંધેલી ઝોળીમાંથી બે વર્ષીય બાળકનું પડી જવાથી મોત નીપજ્યું છે. આ બનાવ બાદ પોલીસ વધુ તપાસ હાથ ધરી છે.

