અમેરિકન વિમાન પેસિફિક મહાસાગરમાં ક્રેશ, સાન ડિએગો કિનારે છ લોકો મોત

અમેરિકાના સાન ડિએગોમાં એક વિમાન અકસ્માત થયો છે. સમાચાર એજન્સી એપીના અહેવાલ મુજબ, સાન ડિએગો નજીક 6 લોકો સાથેનું એક વિમાન પેસિફિક મહાસાગરમાં ક્રેશ થયું. કોસ્ટ ગાર્ડ કાટમાળ શોધી રહ્યું છે.

GSTVની એપ્લિકેશન ડાઉનલોડ કરો

   

યુએસ કોસ્ટ ગાર્ડના અધિકારીઓએ જણાવ્યું હતું કે રવિવારે બપોરે પોઈન્ટ લોમા નજીક સમુદ્રમાં કાટમાળ જોવા મળ્યો હતો. આ પછી, તે વિસ્તારમાં વિમાનના કાટમાળને શોધવાનું કામ શરૂ થયું. આ સ્થળ દરિયાકાંઠેથી લગભગ આઠ કિલોમીટર દૂર છે અને સમુદ્રની ઊંડાઈ લગભગ 200 ફૂટ (લગભગ 61 મીટર) છે.

ફેડરલ એવિએશન એડમિનિસ્ટ્રેશન (FAA) એ જણાવ્યું હતું કે રવિવારે બપોરે 12.30 વાગ્યાની આસપાસ અકસ્માત થયો હતો. વિમાન ઉડાન ભર્યાના થોડા સમય પછી આ અકસ્માત થયો હતો. તે ટ્વીન-એન્જિન સેસ્ના 414 વિમાન હતું. ફ્લાઇટ ટ્રેકિંગ વેબસાઇટ FlightAware.com અનુસાર, વિમાન ફોનિક્સ શહેર તરફ જઈ રહ્યું હતું.

નેશનલ ટ્રાન્સપોર્ટેશન સેફ્ટી બોર્ડ (NTSB) અને FAA બંનેએ પુષ્ટિ આપી છે કે તેઓ અકસ્માતની સંયુક્ત તપાસ કરી રહ્યા છે.