Last Update :
19 Jun 2025
વિસાવદર વિધાનસભા વિસ્તારના જુનાગઢ જિલ્લાના ડુંગરપુર ગામની પ્રાથમિક શાળામાં સ્થાપિત મતદાન મથકે ચૂંટણી દરમિયાન હોબાળાની ઘટના બની. ભાજપના કેટલાક આગેવાનો મતદાન મથકમાં બેસીને મતદારોને પ્રભાવિત કરવાનો પ્રયાસ કરી રહ્યા હોવાનો આરોપ આમ આદમી પાર્ટીના આગેવાનોએ લગાવ્યો.
GSTVની એપ્લિકેશન ડાઉનલોડ કરો
બંને પક્ષોના કાર્યકરો વચ્ચે થોડીવાર માટે ઉગ્ર બોલાચાલી થઈ
આ ઘટનાને લઈને બંને પક્ષોના કાર્યકરો વચ્ચે થોડીવાર માટે ઉગ્ર બોલાચાલી થઈ, જેના કારણે માહોલ તંગ બન્યો.આપના આગેવાનોએ વધુમાં આરોપ લગાવ્યો કે ભાજપના ઉમેદવારની સ્લીપના ઢગલા મતદાન મથકની અંદર રાખવામાં આવ્યા હતા.
આપના હોદ્દેદારો અને ચૂંટણી અધિકારીઓ સ્થળ પર પહોંચ્યા
ઘટનાની જાણ થતાં આપના હોદ્દેદારો અને ચૂંટણી અધિકારીઓ સ્થળ પર પહોંચ્યા હતા. પોલીસે તાત્કાલિક હસ્તક્ષેપ કરીને ભાજપના આગેવાનોને મતદાન મથકથી દૂર ખસેડ્યા અને સ્થિતિને કાબૂમાં લીધી.
