જૂનાગઢમાં અધિક મદદનીશ ઈજનેર અને ખેરાલુમાં નાયબ મામલતદાર લાંચ લેતા ઝડપાયા

જૂનાગઢ માર્ગ અને મકાન વિભાગ(સ્ટેટ)માં અધિક મદદનીશ ઈજનેર (SO) મિલન ગીરીશભાઈ ભરખડાએ ફરીયાદીના અસીલની ખેતીની જમીનમાં બાંધકામ કરવા માટે રોડથી બાધકામ-નિયંત્રણ રેખા અંગેની માહીતીના પત્રની ખરાઈ કરી, અભિપ્રાય આપવા માટે ફરીયાદી પાસે રૂ.20,000/-ની લાંચની માંગણી કરી હતી. રકઝકના અંતે બે હજાર ઓછા આપવાનું કહીને રૂ. 18,000/- ની લાંચની માંગણી કરી હતી, જે લાંચના નાણાં ફરિયાદી આપવા માંગતા ન હોય, ફરિયાદીએ જુનાગઢ એ.સી.બી.ને ફરીયાદ કરતા ગોઠવાયેલ લાંચના છટકા દરમ્યાન આરોપીએ ફરીયાદી સાથે હેતુલક્ષી વાતચીત કરી લાંચિયો અધિકારી અધિક મદદનીશ ઈજનેર (SO) મિલન ગીરીશભાઈ ભરખડા લાંચના નાણાં રૂ.18,000/- સ્વીકારતા ઝડપાઇ ગયો હતો.

GSTVની એપ્લિકેશન ડાઉનલોડ કરો

   

ખેરાલુમાં નાયબ મામલતદાર લાંચ લેતા ઝડપાયો

મહેસાણા જિલ્લાના મામલતદાર કચેરી, તા.ખેરાલુ ખાતે પુરવઠા શાખામાં નાયબ મામલતદાર (વર્ગ-૩) તરીકે ફરજ બજાવતા ધર્મેન્દ્રકુમાર કનૈયાલાલ મહેતા ડિકોય છટકા દરમિયાન રૂ. 10,000/-ની લાંચ લેતા ઝડપાયો છે. લાંચિયા નાયબ મામલતદાર ધર્મેન્દ્રકુમાર કનૈયાલાલ મહેતા દ્વારા ખેરાલુ મામલતદાર કચેરી ખાતે સસ્તા અનાજના પરવાનેદાર વેપારીઓને હેરાન કરી માસીક રૂ.1000/- થી રૂ.5000/- ની રકમ વેપારીઓ પાસેથી હપ્તા પેટે લાંચ લેવામાં આવતી હોવાની બાતમી એ.સી.બી.ને મળી હતી. ફરિયાદીને હેરાન ના કરવા બાબતે નાયબ મામલતદાર ધર્મેન્દ્રકુમાર કનૈયાલાલ મહેતાએ લાંચની માંગણી કરી હતી.