Last Update :
31 May 2025
ક્રિકેટર યુઝવેન્દ્ર ચહલ (Yuzvendra Chahal) ને ડેટ કરવાની અફવાઓ વચ્ચે, આરજે મહવશ (RJ Mahwash) મુલ્લાનપુરમાં રોયલ ચેલેન્જર્સ બેંગલુરુ સાથેની IPL 2025ની ક્વોલિફાયર 1 મેચમાં પંજાબ કિંગ્સ (PBKS) ને ચીયર કરવા પહોંચી હતી. એક દિવસ પછી, આરજે મહવશ (RJ Mahwash) એ એક ક્રિપ્ટિક ઇન્સ્ટાગ્રામ સ્ટોરી શેર કરી હતી. મહવશ પહેલા ઉત્સાહિત દેખાતી હતી, પરંતુ PBKSની હાર બાદ તે નિરાશ થઈ ગઈ હતી. સ્ટેડિયમમાંથી તેના ઘણા ફોટો અને વીડિયો વાયરલ થઈ રહ્યા છે. હવે તેની એક ક્રિપ્ટિક ઇન્સ્ટાગ્રામ સ્ટોરી પણ વાયરલ થઈ રહી છે. જેમાં તે નૈતિકતા વિશે વાત કરી છે.
GSTVની એપ્લિકેશન ડાઉનલોડ કરો
આરજે મહવશ સોશિયલ (RJ Mahwash) મીડિયા પર ખૂબ જ એક્ટિવ છે. તે તાજેતરમાં PBKSનો ધ્વજ લહેરાવતી અને સ્ટેડિયમમાં ફોટો પડાવતી જોવા મળી હતી. તેની ઇન્સ્ટાગ્રામ પોસ્ટમાં, તેણે ફાઈનલ મેચ લાઈનઅપની પણ આગાહી કરી, લખ્યું, "ભવિષ્ય: ફાઈનલ મેચ RCB vs PBKS હશે!" રસપ્રદ વાત એ છે કે, તેણે પોતાની પોસ્ટ પર કમેન્ટ બંધ કરી દીધી હતી, જેના કારણે આ પગલા પાછળના તેના હેતુ વિશે અટકળો શરૂ થઈ હતી.
વધુ ધ્યાન તેની ઇન્સ્ટાગ્રામ સ્ટોરી પર શેર કરાયેલી એક ક્રિપ્ટિક પોસ્ટ પર ખેંચાયું હતું, જેમાં તેણે લખ્યું હતું કે, "સૌથી મહત્ત્વની વાત એ છે કે 'તમે જાણો છો' કે તમે ક્યારેય કોઈનું નથી ખોટું કર્યું. તમે હંમેશા તમારા ઈરાદામાં શુદ્ધ રહ્યા છો અને તમને યાદ છે કે તમારે ભગવાન પાસે પાછા ફરવાનું છે. તમારા નૈતિક મૂલ્યો અનુસાર જીવો. બીજા જે કહે છે તે બધું જ ઘોંઘાટ છે. તેને રદ્દ કરો."
ચહલ અને મહવશના ડેટિંગની અફવા
મહવશ (RJ Mahwash) નું નામ યુઝવેન્દ્ર ચહલ (Yuzvendra Chahal) સાથે જોડાયું ત્યારથી તે હેડલાઈન્સમાં છે. ચહલ તાજેતરમાં તેની પત્ની ધનશ્રી વર્માથી અલગ થયો છે. જોકે મહવશ કે ચહલે સંબંધોની અફવાઓને પુષ્ટિ નથી કરી કે નકારી પણ નથી, તેના વારંવાર જાહેર દેખાવ અને PBKS માટેના તેના સપોર્ટથી ડેટિંગની અફવાઓને વેગ મળ્યો છે.
