Last Update :
03 Apr 2025
બોલીવૂડના સૌથી ચર્ચિત કપલ્સમાંથી એક, અભિષેક બચ્ચન અને ઐશ્વર્યા રાય બચ્ચન, તાજેતરમાં એક લગ્નમાં જોવા મળ્યા હતા. આ પ્રસંગે તેમણે તેમની પુત્રી આરાધ્યા બચ્ચન સાથે ડાન્સ કર્યો, જેનો વીડિયો સોશિયલ મીડિયા પર વાયરલ થઈ રહ્યો છે. ખાસ વાત એ હતી કે આ દરમિયાન તેમણે તેમના સુપરહિટ ગીત 'કજરા રે' પર પરફોર્મ કર્યું, જેનાથી ફેન્સ ખૂબ ખુશ થઈ ગયા. આ વીડિયો સામે આવ્યા બાદ સોશિયલ મીડિયા પર લોકો અલગ-અલગ પ્રતિક્રિયાઓ આપી રહ્યા છે.
GSTVની એપ્લિકેશન ડાઉનલોડ કરો
અભિષેક અને ઐશ્વર્યાએ તાજેતરમાં પુણેમાં પારિવારિક લગ્નમાં હાજરી આપી હતી. ફંક્શનમાં જ્યારે સંગીતમય વાતાવરણ સર્જાયું ત્યારે આ બોલિવૂડ સ્ટાર કપલે તેમની પુત્રી સાથે સ્ટેજ પર ધૂમ મચાવી દીધી. 'કજરા રે' ગીત વાગતાની સાથે જ ત્રણેયે પોતાના ડાન્સથી ત્યાં હાજર બધાને આશ્ચર્યચકિત કરી દીધા. ખાસ કરીને આરાધ્યાએ તેની માતાની જેમ શાનદાર ડાન્સ કર્યો હતો.
સોશિયલ મીડિયા પર વાયરલ થયો વીડિયો
આ ડાન્સનો વીડિયો હવે ઇન્ટરનેટ પર વાયરલ થઈ ગયો છે. વીડિયોમાં, ઐશ્વર્યા અને અભિષેક તેમના જૂના અંદાજમાં જોવા મળી રહ્યા છે, જ્યારે આરાધ્યા પણ સાથે સ્ટેપ્સ કરી રહી છે. તમને જણાવી દઈએ કે આ ગીત 2005માં રિલીઝ થયેલી ફિલ્મ 'બંટી ઔર બબલી' નું છે, જેમાં અમિતાભ બચ્ચન પણ જોવા મળ્યા હતા. આ ગીત તે સમયમાં ખૂબ જ હિટ હતું અને આજે પણ પાર્ટીઓમાં તે હિટ છે. લગભગ 20 વર્ષ પછી પણ, આ ગીતનો ક્રેઝ હજુ પણ પહેલા જેવો જ છે, અને જ્યારે અભિષેક, ઐશ્વર્યા અને આરાધ્યા દ્વારા તેને રિક્રિએટ કરવામાં આવ્યું, ત્યારે આ ક્ષણ વધુ ખાસ બની ગઈ.
