Last Update :
27 May 2025
સરકારી નોકરી શોધી રહેલા ઉમેદવારો માટે ખૂબ જ સારા સમાચાર છે. ઈન્ડિયન ઓવરસીઝ બેંક (IOB) એ લોકલ બેંક ઓફિસર (LBO) ની જગ્યાઓ પર ભરતી માટે અરજીઓ મંગાવી છે. આ જગ્યાઓ માટે અરજી કરવાની પ્રક્રિયા ચાલી રહી છે. રસ ધરાવતા ઉમેદવારો 31 મે 2025 સુધી બેંકની સત્તાવાર વેબસાઈટ iob.in પર જઈને ઓનલાઈન અરજી કરી શકે છે. બેંકે કુલ 400 જગ્યાઓ પર ભરતી માટે અરજીઓ મંગાવી છે. આ જગ્યાઓ રાજ્યવાર બહાર પાડવામાં આવી છે. ઉમેદવારો આ જગ્યાઓ માટે નિર્ધારિત છેલ્લી તારીખે અથવા તે પહેલાં અરજી કરી શકે છે.
GSTVની એપ્લિકેશન ડાઉનલોડ કરો
શૈક્ષણિક લાયકાત અને વય મર્યાદા
LBOની જગ્યાઓ માટે અરજી કરનારા ઉમેદવારો પાસે કોઈપણ માન્ય યુનિવર્સિટીમાંથી કોઈપણ સ્ટ્રીમમાં ગ્રેજ્યુએશનની ડિગ્રી હોવી આવશ્યક છે. આ સિવાય અરજી કરવા ઈચ્છતા ઉમેદવારોની ઉંમર 20થી 30 વર્ષની વચ્ચે હોવી જોઈએ.
અરજી ફી
જનરલ/EWS/OBC કેટેગરી માટે અરજી ફી 850 રૂપિયા નક્કી કરવામાં આવી છે. જ્યારે SC/ST/PWBD કેટેગરીના અરજદારોએ અરજી ફી તરીકે 175 રૂપિયા ચૂકવવા પડશે. ઉમેદવારો વધુ સંબંધિત માહિતી માટે બેંકની સત્તાવાર વેબસાઈટની મુલાકાત લઈ શકે છે.
આ રીતે અરજી કરો
- બેંકની સત્તાવાર વેબસાઈટ iob.in ની મુલાકાત લો.
- હોમ પેજ પર આપેલ કરિયર ટેબ પર ક્લિક કરો.
- હવે અહીં LBO ભરતી 2025 એપ્લિકેશન લિંક પર ક્લિક કરો.
- રજીસ્ટ્રેશન કરો અને અરજી ફોર્મ ભરો.
- હવે દેક્યુંમેન્ત અપલોડ કરો, ફી ચૂકવો અને ફોર્મ સબમિટ કરો.
- ભવિષ્યની જરૂરિયાત માટે ફોર્મની પ્રિન્ટઆઉટ લઈ લો.
પસંદગી કેવી રીતે થશે?
પસંદગી પ્રક્રિયા ઓનલાઈન પરીક્ષા, ભાષા પ્રાવીણ્ય કસોટી (LPT) અને ઇન્ટરવ્યુ દ્વારા કરવામાં આવશે. CBT પરીક્ષામાં સફળ થનારા ઉમેદવારો આગળની પસંદગી પ્રક્રિયામાં ભાગ લેશે. ઓનલાઈન પરીક્ષામાં 200 ગુણના કુલ 140 પ્રશ્નો પૂછવામાં આવશે અને તેનો સમયગાળો ત્રણ કલાકનો રહેશે.
