દિલ્હી પૂર્વ સીએમ કેજરીવાલની મુશ્કેલી વધી, પોલીસે આ મામલામાં FIR દાખલ કરી

દિલ્હીના પૂર્વ મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલની મુશ્કેલીઓનો અંત આવવાના કોઈ સંકેત દેખાઈ રહ્યા નથી. ચૂંટણીમાં ખરાબ હાર બાદ દિલ્હી પોલીસે હવે કેજરીવાલ અને અન્ય લોકો સામે FIR નોંધી છે. આ FIR જાહેર સંપત્તિ કાયદાના કથિત ઉલ્લંઘન બદલ નોંધવામાં આવી છે. દિલ્હી પોલીસે રાઉઝ એવન્યુ કોર્ટમાં અનુપાલન રિપોર્ટ દાખલ કરીને જણાવ્યું કે FIR નોંધવામાં આવી છે.

GSTVની એપ્લિકેશન ડાઉનલોડ કરો

   

18 એપ્રિલે કોર્ટમાં થશે સુનાવણી

દિલ્હી પોલીસે આમ આદમી પાર્ટીના રાષ્ટ્રીય સંયોજક અરવિંદ કેજરીવાલ અને અન્ય લોકો વિરુદ્ધ જાહેર સંપત્તિ કાયદાના કથિત ઉલ્લંઘન બદલ ફરિયાદ દાખલ કરી છે. સાથે જ નોંધાયેલી FIRના કેસમાં સુનાવણીની તારીખ પણ જાહેર કરવામાં આવી છે. આ કેસની આગામી સુનાવણી કોર્ટમાં 18 એપ્રિલના રોજ નક્કી કરવામાં આવી છે.

આ આખો મામલો શું છે?

ખરેખર, આ આખો મામલો લગભગ 5 વર્ષ જૂનો છે. વર્ષ 2019માં દ્વારકામાં વિશાળ હોર્ડિંગ્સ લગાવીને જાહેર નાણાંનો દુરુપયોગ કરવા બદલ ભૂતપૂર્વ મુખ્યમંત્રી અરવિંદ કેજરીવાલ અને અન્ય લોકો સામે FIR નોંધવાની માંગ કરવામાં આવી હતી. હવે દિલ્હી પોલીસે આ મામલે FIR નોંધીને કોર્ટને પણ તેની જાણ કરી છે.