GST કલેક્શનમાં મોટો ઉછાળો, માર્ચ મહિનામાં સરકારી તિજોરીમાં ₹1.96 લાખ કરોડ આવ્યા

માર્ચમાં કુલ GST કલેક્શન 9.9 ટકા વધીને રૂ. 1.96 લાખ કરોડથી વધુ થયું. મંગળવારે જાહેર કરાયેલા સરકારી આંકડામાં આ માહિતી આપવામાં આવી છે. ઘરેલુ વ્યવહારોમાંથી ગુડ્સ એન્ડ સર્વિસ ટેક્સ (GST) ની આવક 8.8 ટકા વધીને રૂ. 1.49 લાખ કરોડ થઈ, જ્યારે આયાતી માલની આવક 13.56 ટકા વધીને રૂ. 46,919 કરોડ થઈ.

GSTVની એપ્લિકેશન ડાઉનલોડ કરો

   

માર્ચ દરમિયાન કુલ રિફંડ 41 ટકા વધીને રૂ. 19,615 કરોડ થયું. માર્ચ 2025માં રિફંડના સમાયોજન પછી ચોખ્ખી GST આવક રૂ. 1.76 લાખ કરોડથી વધુ રહી, જે એક વર્ષ અગાઉના સમાન મહિના કરતાં 7.3 ટકા વધુ છે.

અગાઉ, ઘરેલુ સ્ત્રોતોમાંથી કર વસૂલાતમાં બે આંકડાની વૃદ્ધિને કારણે ફેબ્રુઆરીમાં ગુડ્સ અને સર્વિસ ટેક્સ કલેક્શન 9.1% વધીને રૂ. 183,646 કરોડ થયું હતું. જાન્યુઆરીમાં GST કલેક્શન રૂ. 1.96 લાખ કરોડ પર પહોંચ્યું, જે ગયા વર્ષના સમાન સમયગાળાની સરખામણીમાં 12.3% વધુ છે. ડિસેમ્બરમાં GST કલેક્શન રૂ. 1.77 લાખ કરોડ રહ્યું હતું, જે વાર્ષિક ધોરણે 7.3% ની વૃદ્ધિ દર્શાવે છે. તહેવારોની મોસમ પછી વપરાશમાં ઘટાડો થવાને કારણે નવેમ્બરમાં નોંધાયેલા 8.5% વૃદ્ધિ દર કરતા આ ધીમો હતો. બજેટમાં, સરકારે વર્ષ માટે GST આવકમાં 11% વૃદ્ધિનો અંદાજ મૂક્યો છે, જેમાં સેન્ટ્રલ GST અને વળતર સેસ સહિતની વસૂલાત રૂ. 11.78 લાખ કરોડ હોવાનો અંદાજ છે.