USએ ઇતિહાસમાંથી કંઈ શીખ્યું નથી, શાંતિ બળજબરીથી નથી આવતી...', UNSCમાં અમેેરિકા પર રશિયા અને ચીનના આકરા પ્રહાર

અમેરિકા દ્વારા ઈરાનના પરમાણુ સ્થળો પર કરવામાં આવેલા હુમલા પર સંયુક્ત રાષ્ટ્ર સુરક્ષા પરિષદ (UNSC) ની કટોકટી બેઠકમાં ગરમાગરમ ચર્ચા જોવા મળી. રશિયા, ચીન અને પાકિસ્તાને 15 સભ્યોની પરિષદમાં પશ્ચિમ એશિયામાં તાત્કાલિક અને બિનશરતી યુદ્ધવિરામની માંગણી કરતો ડ્રાફ્ટ ઠરાવ રજૂ કર્યો. "ઈરાનના પરમાણુ સ્થળો પર અમેરિકા દ્વારા બોમ્બમારો એક ખતરનાક વળાંક છે. આપણે લડાઈ બંધ કરવા અને ઈરાનના પરમાણુ કાર્યક્રમ પર ગંભીર વાટાઘાટો ફરી શરૂ કરવા માટે તાત્કાલિક અને નિર્ણાયક રીતે કાર્ય કરવું જોઈએ.

GSTVની એપ્લિકેશન ડાઉનલોડ કરો

   

UNSC સેક્રેટરી-જનરલ એન્ટોનિયો ગુટેરેસે બેઠકની શરૂઆતમાં જણાવ્યું હતું. દરમિયાન, યુએસ રાષ્ટ્રપતિ ડોનાલ્ડ ટ્રમ્પે દાવો કર્યો છે કે અમેરિકાએ ઈરાનના મુખ્ય પરમાણુ સ્થળોને "સંપૂર્ણપણે નાશ" કરી દીધા છે. ૧૯૭૯ની ઈરાની ક્રાંતિ પછી ઇસ્લામિક રિપબ્લિક પર આ સૌથી મોટો પશ્ચિમી લશ્કરી હુમલો હોવાનું માનવામાં આવે છે. અમેરિકાના આ પગલા બાદ, આખી દુનિયા હવે ઈરાનના પ્રતિભાવની રાહ જોઈ રહી છે.

રશિયા અને ચીને અમેરિકાના હુમલાની નિંદા કરી

રશિયા અને ચીને આ હુમલાની કડક નિંદા કરી છે. ચીનના યુએન રાજદૂત ફુ કોંગે કહ્યું, "પશ્ચિમ એશિયામાં શાંતિ બળના ઉપયોગથી લાવી શકાતી નથી. હાલમાં, વાતચીત અને વાટાઘાટો જ ઉકેલનો એકમાત્ર વાસ્તવિક માર્ગ છે. ઈરાની પરમાણુ મુદ્દા પર રાજદ્વારી વિકલ્પો હજુ સુધી ખતમ થયા નથી અને શાંતિનો માર્ગ હજુ પણ ખુલ્લો છે."

અમેરિકાએ ઈરાન પરના હુમલાનો બચાવ કર્યો

યુએનમાં કાર્યકારી યુએસ એમ્બેસેડર ડોરોથી શીએ કહ્યું કે હવે નિર્ણાયક પગલાં લેવાનો સમય છે. તેમણે સુરક્ષા પરિષદને અપીલ કરી કે તેઓ ઈરાનને ઇઝરાયલનો નાશ કરવાના તેના પ્રયાસો બંધ કરવા અને પરમાણુ શસ્ત્રોનો પીછો બંધ કરવા હાકલ કરે. તેમણે કહ્યું, "ઈરાને લાંબા સમયથી તેના પરમાણુ કાર્યક્રમને છુપાવ્યો છે અને તાજેતરની વાટાઘાટોમાં અમારા સદ્ભાવનાપૂર્ણ પ્રયાસોને ટાળ્યા છે."

ઈરાને આ હુમલાને "ખુલ્લો અને ગેરકાયદેસર આક્રમણ" ગણાવ્યો 

બેઠકની માંગ કરતા ઈરાને અમેરિકાના આ પગલાને "ખુલ્લું અને ગેરકાયદેસર આક્રમણ" ગણાવ્યું અને સુરક્ષા પરિષદને શક્ય તેટલા કડક શબ્દોમાં તેની નિંદા કરવા હાકલ કરી. જોકે, કાઉન્સિલ આ ડ્રાફ્ટ પ્રસ્તાવ પર ક્યારે મતદાન કરશે તે સ્પષ્ટ નથી. આ ઠરાવ પસાર થવા માટે ઓછામાં ઓછા નવ મતોની જરૂર છે અને યુનાઇટેડ સ્ટેટ્સ, ફ્રાન્સ, બ્રિટન, રશિયા કે ચીન તરફથી કોઈ વીટો ન હોવો જોઈએ.સંયુક્ત રાષ્ટ્રમાં ઇઝરાયલના રાજદૂત ડેની ડેનને કહ્યું કે અમેરિકા અને ઇઝરાયલની ટીકા નહીં, પણ પ્રશંસા થવી જોઈએ, કારણ કે તેઓએ વિશ્વને સુરક્ષિત સ્થાન બનાવવામાં યોગદાન આપ્યું છે.