Last Update :
29 Apr 2025
યુનિયન પબ્લિક સર્વિસ કમિશન એટલે કે UPSC એ નેશનલ ડિફેન્સ એકેડેમી (NDA)-1 2025 નું પરિણામ જાહેર કર્યું છે. UPSC એ આ પરિણામ સત્તાવાર વેબસાઈટ પર જાહેર કર્યું છે. 13 એપ્રિલ 2025ના રોજ યોજાયેલી આ પરીક્ષામાં હાજર રહેલા ઉમેદવારો હવે UPSC વેબસાઈટ upsc.gov.in પર જઈને પોતાનું પરિણામ ચેક કરી શકે છે. પરિણામ મેરિટ લિસ્ટના રૂપમાં જાહેર કરવામાં આવ્યું છે. જેમાં સફળ ઉમેદવારોના રોલ નંબર અને નામનો સમાવેશ થાય છે.
GSTVની એપ્લિકેશન ડાઉનલોડ કરો
દર વર્ષની જેમ આ વખતે પણ UPSC એ પરીક્ષાના 20 દિવસની અંદર પરિણામ જાહેર કર્યું છે. આ પરીક્ષા પાસ કરનારા ઉમેદવારોને હવે પસંદગી પ્રક્રિયાના આગલા તબક્કા એટલે કે SSB ઇન્ટરવ્યુ માટે બોલાવવામાં આવશે. SSB ઇન્ટરવ્યુમાં, ઉમેદવારોનું મૂલ્યાંકન તેમના વ્યક્તિત્વ, માનસિક ક્ષમતા અને સશસ્ત્ર દળોમાં કારકિર્દી માટે યોગ્યતાના આધારે કરવામાં આવશે. આ ઇન્ટરવ્યુ પ્રક્રિયા પાંચ દિવસ સુધી ચાલે છે.
આ રીતે ચેક કરો પરિણામ
પરિણામ ચેક કરવા માટે, પહેલા UPSCની સત્તાવાર વેબસાઈટ, upsc.gov.in ની મુલાકાત લો. હવે હોમપેજ પર ઉપલબ્ધ NDA પરિણામ લિંક પર ક્લિક કરો, આ પછી પરિણામનું લિસ્ટ PDF ફોર્મેટમાં ખુલશે. ઉમેદવારો આ લિસ્ટમાં પોતાનો રોલ નંબર શોધી શકે છે. આ યાદીમાં પસંદ કરાયેલા તમામ ઉમેદવારોના રોલ નંબર આપવામાં આવ્યા છે. SSB ઇન્ટરવ્યુ માટે પસંદ કરાયેલા ઉમેદવારો સંબંધિત સર્વિસ બોર્ડની વેબસાઈટ પરથી તેમના ઇન્ટરવ્યુની તારીખ અને સમય પસંદ કરી શકે છે અને ત્યાંથી કોલ લેટર પણ ડાઉનલોડ કરી શકે છે.
હવે ઇન્ટરવ્યુ પછી ફાઈનલ લિસ્ટ આવશે
દર વર્ષે લગભગ 4થી 5 લાખ ઉમેદવારો NDA પરીક્ષા માટે અરજી કરે છે, પરંતુ તેમાંથી માત્ર 7થી 8 હજાર વિદ્યાર્થીઓ જ લેખિત પરીક્ષા પાસ કરી શકે છે. આ કારણે, આ પરીક્ષાનો સફળતા દર માત્ર 2થી 3 ટકા જેટલો છે. આ સમગ્ર પ્રક્રિયા સફળતાપૂર્વક પૂર્ણ કરનારા ઉમેદવારોને ભારતીય સેના, નૌકાદળ અને વાયુસેનામાં કુલ 406 ખાલી જગ્યાઓ પર નિયુક્ત કરવામાં આવશે. દેશની સંરક્ષણ સેવાઓમાં યોગદાન આપવા માંગતા યુવાનો માટે NDA પરીક્ષા એક સુવર્ણ તક છે.
