વિશ્વના આ દેશમાં થાય છે સૌથી વધુ સોનાનું ઉત્પાદન, જાણો ભારતનો કયો નંબર છે?

ભારત અને ચીન જેવા દેશોમાં સોનું માત્ર ઘરેણાં સુધી જ સીમિત નથી, પરંતુ તે અહીંની સંસ્કૃતિ અને પરંપરાઓનો પણ એક ભાગ છે. સોનું માત્ર ઘરેણાં સુધી જ સીમિત નથી, પરંતુ તે ભારતની સંસ્કૃતિ અને પરંપરાઓનો પણ એક ભાગ છે. ભારત જેવા ધાર્મિક દેશમાં કોઈપણ લગ્ન કે અન્ય રિવાજો સોના વિના પૂર્ણ થઈ શકતા નથી. આ જ કારણ છે કે ભારતમાં સોનાનો વપરાશ મોટા પાયે થાય છે. ભારતમાં સોનાની અનેક ખાણો છે, જ્યાંથી દર વર્ષે હજારો ટન સોનું નીકળે છે, પરંતુ શું તમે તે દેશનું નામ જાણો છો જ્યાં વિશ્વનું સૌથી વધુ સોનું મળે છે? ચાલો તમને તે દેશ વિશે જણાવીએ.

GSTVની એપ્લિકેશન ડાઉનલોડ કરો

   

ઘણા લોકો માને છે કે દુબઈ જેવા ખાડી દેશો, જ્યાં સોનું ખૂબ સસ્તું છે, ત્યાં સોનાનું ઉત્પાદન સૌથી વધુ થતું હશે, પરંતુ એવું નથી. સોનાના ઉત્પાદનમાં ભારતનો પડોશી દેશ સૌથી આગળ છે. વિશ્વમાં સૌથી વધુ સોનાનું ઉત્પાદન કરતો દેશ ચીન છે. અહીં અનેક સોનાની ખાણો છે, જ્યાંથી ઘણા ટન સોનું નીકળે છે. એક રિપોર્ટ અનુસાર, 2024માં ચીનમાં 380 ટન સોનાનું ઉત્પાદન થયું હતું. સોનાના ઉત્પાદનની બાબતમાં ચીન પછી રશિયા અને ઓસ્ટ્રેલિયાનો નંબર આવે છે. વર્લ્ડ ગોલ્ડ કાઉન્સિલના રિપોર્ટ અનુસાર, 2024માં રશિયામાં 284 ટન સોનાનું ઉત્પાદન થયું હતું, જ્યારે ઓસ્ટ્રેલિયામાં 202 ટન સોનાનું ઉત્પાદન થયું હતું. વિશ્વમાં સૌથી વધુ સોનું ઉત્પાદન કરતા દેશોમાં ચોથા નંબરે કેનેડાનો નંબર આવે છે. ત્યારબાદ આ યાદીમાં યુનાઇટેડ સ્ટેટ્સ ઓફ અમેરિકાનું નામ આવે છે.

સોનાનો આટલો મોટો વપરાશ હોવા છતાં, ઉત્પાદનની બાબતમાં ભારત વિશ્વના ટોચના 10 દેશોમાં પણ સામેલ નથી. એટલું જ નહીં, ભારત સોનું ઉત્પાદન કરતા ટોચના 50 દેશોમાં પણ નથી.