શુક્રવારે PM Modi બાબતપુર એરપોર્ટ પર ઉતરતાની સાથે જ રન વે પર આવકારવા આવનારા વારાણસી પોલીસ કમિશનર, ડિવિઝનલ કમિશનર અને કલેક્ટર પાસેથી વારાણસી ગેંગ રેપ કેસ વિશે સંપૂર્ણ માહિતી મેળવી હતી. એરપોર્ટ ઉપર જ PM MODI આ કેસ અંગે ત્રણેય અધિકારીઓ સાથે અલગ-અલગ વાત કરતા જોવા મળ્યા. જણાવી દઈએ કે, વારાણસીમાં એક ૧૯ વર્ષની છોકરી પર ૨૩ છોકરાઓએ અલગ અલગ જગ્યાએ ૬ દિવસ સુધી ગોંધી રાખી વારાફરતી બળાત્કાર ગુજાર્યો. 29 માર્ચે છોકરીને તેનો એક મિત્ર લઈ ગયો હતો. જેણે તેની ઉપર સૌથી પહેલા બળાત્કાર કર્યો હતો. ત્યારબાદ છોકરાઓ જગ્યા બદલતા રહ્યા અને સતત 6 દિવસ સુધી 23 છોકરાઓએ 19 વર્ષની છોકરીના શરીરને ચૂંથ્યું. આ ઘટનામાં પોલીસે 10 આરોપીઓની ધરપકડ કરી હતી.

