Last Update :
01 May 2025
IPL 2025માં ગઈકાલે (30 એપ્રિલ) ચેન્નઈ સુપરકિંગ્સ (CSK) અને પંજાબ કિંગ્સ (PBKS) વચ્ચે રમાયેલી મેચમાં PBKS એ ચાર વિકેટે જીત હાંસલ કરી હતી. આ સાથે CSKની પ્લેઓફમાં પહોંચવાની તમામ શક્યતા ખતમ થઈ ગઈ. આ મુકાબલામાં યુઝવેન્દ્ર ચહલ (Yuzvendra Chahal) એ આ સિઝનની પહેલી હેટ્રિક લીધી હતી.
GSTVની એપ્લિકેશન ડાઉનલોડ કરો
ચેપોકમાં લીધી સિઝનની પ્રથમ હેટ્રિક
ચહલ (Yuzvendra Chahal) એ CSK સામે ચેપોક સ્ટેડિયમમાં એક જ ઓવરમાં ચાર વિકેટ લઈ ઈતિહાસ રચ્યો હતો. આ ઓવરમાં તેણે હેટ્રિક પણ લીધી હતી. IPLમાં આ ચહલ (Yuzvendra Chahal) ની બીજી હેટ્રિક હતી. 2022માં કોલકાતા નાઈટ રાઈડર્સ (KKR) સામે ચહલે બ્રેબોર્ન સ્ટેડિયમમાં હેટ્રિક લીધી હતી.
IPLમાં એક ઓવરમાં ચાર વિકેટ લેનારા ખેલાડીઓ
- અમિત મિશ્રા - (SRH vs PWI, 2013)
- યુઝવેન્દ્ર ચહલ - (RR vs KKR, 2022)
- આંદ્રે રસેલ (KKR vs GT, 2022)
- યુઝવેન્દ્ર ચહલ (PBKS vs CSK, 2025)
IPLમાં સૌથી વધુ હેટ્રિક
- અમિત મિશ્રા - 3 (2008, 2011, 2013)
- યુવરાજ સિંહ - 2 (2009)
- યુઝવેન્દ્ર ચહલ - 2 (2022, 2025)
IPLમાં સૌથી વધુ વખત 4+ વિકેટ ઝડપનારા ખેલાડીઓ
- યુઝવેન્દ્ર ચહલ - 9
- સુનીલ નારાયણ - 8
- લસિથ મલિંગા - 7
- કાગીસો રબાડા - 6
પંજાબ કિંગ્સ માટે હેટ્રિક લેનારા બોલર્સ
- યુવરાજ સિંહ - 2
- અમિત મિશ્રા - 1
- સેમ કરન - 1
- યુઝવેન્દ્ર ચહલ -1
ચહલ (Yuzvendra Chahal) નું આ પર્ફોર્મન્સ ફક્ત વ્યક્તિગત સિદ્ધિઓ માટે જ નહીં, પરંતુ તેની ટીમ માટે ગેમ-ચેન્જર સાબિત થયું છે. તેની બોલિંગે PBKSને જીત અપાવી પ્લેઓફની રેસમાં જાળવી રાખી છે. આ મેચમાં ટોસ જીત્યા બાદ PBKS એ પહેલા બોલિંગ કરવાનો નિર્ણય લીધો હતો. CSKની ટીમ સંપૂર્ણ 20 ઓવર ન રમી શકી અને 190 રનમાં ઓલઆઉટ થઈ હતી. ચહલે 19મી ઓવરમાં હેટ્રિક સાથે એક જ ઓવરમાં 4 વિકેટ ઝડપી હતી.
