UPI પેમેન્ટને લઈને સરકારનો ટેન્શન વધારતો ખુલાસો! તમે પણ આશ્ચર્યચકિત થઈ જશો

સ્માર્ટફોન અને ઈન્ટરનેટનો ઉપયોગ વધવાથી ભારતમાં ડિજિટલ પેમેન્ટનો ક્રેઝ ઝડપથી વધ્યો છે. દર વર્ષે UPI દ્વારા ઓનલાઈન પેમેન્ટ કરનારા યુઝર્સની સંખ્યા પણ વધી રહી છે. ડિજિટલ પેમેન્ટે આપણને જે સગવડ આપી છે તે ઉપરાંત અનેક ગેરફાયદા પણ ઉભી કરી છે. ડિજિટલ પેમેન્ટના આગમનથી, ઓનલાઈન કૌભાંડો અને છેતરપિંડીના કેસોમાં ઝડપથી વધારો થયો છે. જો તમે UPI નો ઉપયોગ કરો છો તો તમારા માટે ઉપયોગી સમાચાર છે.

GSTVની એપ્લિકેશન ડાઉનલોડ કરો

   

આ પણ વાંચો: 1લી ડિસેમ્બરથી મોબાઈલમાં OTP નહીં આવે! Jio, Airtel, Vi અને BSNL યુઝર્સ માટે નવા નિયમ 

એક વર્ષમાં 485 કરોડની છેતરપિંડી

તમને જાણીને નવાઈ લાગશે કે વર્ષ 2024-25માં UPI પેમેન્ટ્સમાં ઓનલાઈન છેતરપિંડીથી ભારતીયોને લગભગ 485 કરોડ રૂપિયાનું નુકસાન થયું છે. નાણા મંત્રાલયના ડેટા અનુસાર, 2024-25માં યુનિફાઈડ પેમેન્ટ ઈન્ટરફેસ એટલે કે UPI દ્વારા છેતરપિંડીની લગભગ 6 લાખ 32 હજાર ઘટનાઓ નોંધાઈ હતી. મંત્રાલય દ્વારા સપ્ટેમ્બર મહિના માટે આ આંકડા જાહેર કરવામાં આવ્યા છે. 

તમને જણાવી દઈએ કે વર્ષ 2022-23માં ઓનલાઈન પેમેન્ટને લઈને લગભગ 27 લાખ લોકો સાથે છેતરપિંડી થઈ છે. આમાં લગભગ લોકોને 2145 કરોડ રૂપિયાનું નુકસાન થયું છે. જ્યારે 2023-24માં 13 લાખથી વધુ છેતરપિંડીના કેસ નોંધાયા હતા. જેમાં કુલ 1087 કરોડ રૂપિયાની છેતરપિંડી કરવામાં આવી હતી.

સરકારે આ વાત કહી

રિપોર્ટ અનુસાર, યુપીઆઈ સાથે સંબંધિત આ છેતરપિંડીની ઘટનાઓમાં વધારો થવા પાછળનું એક મોટું કારણ યુઝર્સની સંખ્યામાં ઝડપી વધારો છે. આ મામલે નાણા મંત્રાલયે મંગળવારે કહ્યું હતું કે ઓનલાઈન છેતરપિંડી રોકવા માટે સતત અસરકારક પ્રયાસો કરવામાં આવી રહ્યા છે. મંત્રાલયે કહ્યું કે છેતરપિંડી રોકવા માટે, આપણે ફિનટેક ઇનોવેશનને પ્રોત્સાહન આપવા અને નિયમનકારી અનુપાલન સુનિશ્ચિત કરવા વચ્ચે સંતુલન જાળવવું પડશે. આનો અર્થ એ થયો કે ટેક્નોલોજીની દુનિયામાં જે ઝડપે નવી નવીનતાઓ થઈ રહી છે, તેનો ઉપયોગ કરવા માટે આપણે નિયમનકારી નિયમોનું પાલન કરવું પડશે.