Last Update :
26 Mar 2025
જર્મન કાર કંપની ફોક્સવેગને નવા નાણાકીય વર્ષની શરૂઆત પહેલા પોતાના ગ્રાહકોને મોટી ભેટ આપી છે. ફોક્સવેગને કહ્યું છે કે તે તેની બે કાર ફોક્સવેગન વર્ટસ અને ફોક્સવેગન ટાઈગુન પર 2.5 લાખનો ફાયદો ઓફર કરી રહી છે. એટલું જ નહીં કંપની ગ્રાહકોને 4 વર્ષની સ્ટાન્ડર્ડ વોરંટી આપી રહી છે અને ફોક્સવેગન પોલો કારના માલિકોને 50 હજાર રૂપિયાનો લોયલ્ટી બેનિફિટ પણ આપી રહી છે. આ સિવાય ફોક્સવેગન ગ્રાહકોને સ્ક્રેપેજ લાભ પણ આપી રહી છે.
GSTVની એપ્લિકેશન ડાઉનલોડ કરો
ફોક્સવેગન વર્ટસ
ફોક્સવેગન Virtus GT લાઈન 1.0-litre TSI AT પર 83,000 સુધીના લાભો ઉપલબ્ધ છે, જ્યારે Virtus GT Plus Sport 1.5 L TSI DSG પર 1.35 લાખ સુધીના લાભો ઉપલબ્ધ છે. ફોક્સવેગન વર્ટસ ક્રોમ હાઇલાઇન 1.0L TSI AT 1.90 લાખ સુધીના લાભો મેળવી રહ્યાં છે, જ્યારે ટોપલાઇન 1.0L TSI AT મોડલ 1.87 લાખ સુધીના લાભો મેળવી રહ્યાં છે. Virtus GT Plus Chrome 1.5L TSI DSG પર 1.29 લાખ સુધીના લાભો પણ ઉપલબ્ધ છે. ફોક્સવેગન વિર્ટસની શરૂઆતની કિંમત 11.56 લાખ છે, જે ટોપ મોડલ માટે 19.40 લાખ સુધી જાય છે.
ફોક્સવેગન ટાઈગુન
Volkswagen Taigun GT Line 1.0L TSI AT પર 1.45 લાખ સુધીનું ડિસ્કાઉન્ટ મળી રહ્યું છે, જ્યારે Taigun GT Plus Sport 1.5L TSI DSG પર 2 લાખ સુધીનું ડિસ્કાઉન્ટ મળી રહ્યું છે. ફોક્સવેગન ટાઇગુન હાઈલાઈન 1.0L TSI AT પર 2.5 લાખ સુધીના લાભો, ટોપલાઈન 1.0L TSI MT પર 2.36 લાખ સુધીના લાભો ઉપલબ્ધ છે. GT Plus Chrome 1.5L TSI DSG પર ગ્રાહકો 2.39 લાખ સુધીના લાભો મેળવી શકે છે. ફોક્સવેગન ટાઇગુન બેઝ મોડલની કિંમત 11.70 લાખ અને ટોચના મોડલની કિંમત એક્સ-શોરૂમ રૂ. 21.10 લાખ રૂપિયા છે.
આ શાનદાર કાર માટે બુકિંગ શરૂ થાય છે
ફોક્સવેગને ભારતીય બજારમાં Tiguan R-Line માટે પ્રી-બુકિંગ શરૂ કરી દીધું છે. ફ્લેગશિપ એસયુવી એપ્રિલ 2025માં વેચાણ માટે ઉપલબ્ધ થશે. ફોક્સવેગન ટિગુઆન આર-લાઇનમાં 2.0-લિટર TSI એન્જિન છે, જે 8-સ્પીડ ઓટોમેટિક ગિયરબોક્સ સાથે જોડાયેલું છે. આ ટર્બો-ચાર્જ્ડ ચાર-સિલિન્ડર એન્જિન 190 bhp પાવર અને 320 nm ટોર્ક ઉત્પન્ન કરે છે.
ટિગુઆન આર-લાઇનની ફીચર્સ
ટિગુઆન આર-લાઇનને અલગ બનાવવા માટે કાળા રંગની ગ્રીલ, ફ્રન્ટ બમ્પર, સાઇડ સિલ્સ, ટ્રીમ અને લોઅર ક્લેડીંગ આપવામાં આવ્યા છે. જે શરીરના રંગ સાથે મેળ ખાય છે. તે અનન્ય આર-લાઇન બેજિંગ સાથે આવશે. તેણે એર ઇન્ટેક ચેનલો વિસ્તૃત કરી છે. SUV 19-ઇંચના એલોય વ્હીલ્સ પર ચાલે છે અને તે ઓલ-સીઝન ટાયર, બ્લેક રૂફ રેલ્સ, પાવર-એડજસ્ટેબલ બહારના રીઅર વ્યુ મિરર્સ અને LED લાઇટિંગ સાથે આવે છે. ટિગુઆનને ઉન્નત સગવડતા માટે વરસાદ-સેન્સિંગ વાઇપર્સ અને રિમોટ-કંટ્રોલ પાવર લિફ્ટગેટ પણ મળે છે.
