Last Update :
19 Feb 2025
ICC ચેમ્પિયન્સ ટ્રોફીની રાહ હવે પૂરી થવાની છે. આ મેગા ટુર્નામેન્ટ આજથી પાકિસ્તાનમાં શરૂ થશે. પ્રથમ મેચમાં યજમાન પાકિસ્તાનનો સામનો ન્યુઝીલેન્ડની ટીમ સાથે થશે. આઠ વર્ષની લાંબી રાહ જોયા બાદ ફરી એકવાર ચેમ્પિયન્સ ટ્રોફીનું આયોજન થઈ રહ્યું છે. ભારતીય ટીમ 20 ફેબ્રુઆરીએ બાંગ્લાદેશ સામે પોતાની પહેલી મેચ રમશે. ચેમ્પિયન્સ ટ્રોફીની બધી મેચો આપણે લાઈવ કેવી રીતે જોઈ શકીએ અને ભારતીય ટીમ કયા સમયે કોની સામે રમશે.
GSTVની એપ્લિકેશન ડાઉનલોડ કરો
આજથી ચેમ્પિયન્સ ટ્રોફી શરૂ થવા જઈ રહી છે. 19 ફેબ્રુઆરીથી 9 માર્ચ દરમિયાન ટોચની 8 ટીમો ટાઇટલ જીતવા માટે એકબીજા સામે સ્પર્ધા કરશે. આ વખતે ડિફેન્ડિંગ ચેમ્પિયન અને યજમાન પાકિસ્તાનનો સામનો ટુર્નામેન્ટની સૌથી મજબૂત ટીમ ન્યુઝીલેન્ડ સામે થશે. ટુર્નામેન્ટના વિજેતાનો નિર્ણય 15 મેચ પછી લેવામાં આવશે. ભારત અને ઓસ્ટ્રેલિયાની સાથે પાકિસ્તાનને પણ દાવેદાર માનવામાં આવી રહ્યું છે. ન્યુઝીલેન્ડની ટીમને પણ ટ્રોફી જીતવાની પ્રબળ દાવેદાર માનવામાં આવે છે.
ચેમ્પિયન્સ ટ્રોફીમાં ભારતના મેચ કેટલા વાગ્યે શરૂ થશે?
ચેમ્પિયન્સ ટ્રોફી 2025માં ટીમ ઈન્ડિયાની બધી મેચ ભારતીય સમય મુજબ બપોરે 2.30 વાગ્યે શરૂ થશે. મેચ શરૂ થવાના અડધા કલાક પહેલા બપોરે 2 વાગ્યે ટોસ થશે.
ભારત ચેમ્પિયન્સ ટ્રોફીની બધી મેચ ક્યાં રમશે?
પાકિસ્તાન દ્વારા આયોજિત ચેમ્પિયન્સ ટ્રોફીમાં ભારતીય ટીમ તેની બધી મેચ દુબઈમાં રમશે. સુરક્ષા કારણોસર બીસીસીઆઈએ પોતાની ટીમ પાકિસ્તાન મોકલવાનો ઇનકાર કરી દીધો હતો.
ચેમ્પિયન્સ ટ્રોફી 2025ની મેચો તમે ક્યાં જોઈ શકો છો?
તમે ચેમ્પિયન્સ ટ્રોફી 2025 ની બધી મેચો સ્ટાર સ્પોર્ટ્સ નેટવર્ક ચેનલો પર લાઈવ જોઈ શકો છો. ટુર્નામેન્ટની બધી મેચો JioHotstar પર લાઇવ સ્ટ્રીમ કરવામાં આવશે.
2025 ચેમ્પિયન્સ ટ્રોફીનું સંપૂર્ણ કાર્યક્રમ
19 ફેબ્રુઆરી- પાકિસ્તાન વિરુદ્ધ ન્યુઝીલેન્ડ, નેશનલ સ્ટેડિયમ, કરાચી
20 ફેબ્રુઆરી- બાંગ્લાદેશ વિરુદ્ધ ભારત, દુબઈ ઇન્ટરનેશનલ ક્રિકેટ સ્ટેડિયમ, દુબઈ
21 ફેબ્રુઆરી- અફઘાનિસ્તાન વિરુદ્ધ દક્ષિણ આફ્રિકા, નેશનલ સ્ટેડિયમ, કરાચી
22 ફેબ્રુઆરી- ઓસ્ટ્રેલિયા વિરુદ્ધ ઇંગ્લેન્ડ, ગદ્દાફી સ્ટેડિયમ, લાહોર
23 ફેબ્રુઆરી- પાકિસ્તાન વિરુદ્ધ ભારત, દુબઈ ઇન્ટરનેશનલ ક્રિકેટ સ્ટેડિયમ, દુબઈ
24 ફેબ્રુઆરી- બાંગ્લાદેશ વિરુદ્ધ ન્યુઝીલેન્ડ, રાવલપિંડી ક્રિકેટ સ્ટેડિયમ, રાવલપિંડી
25 ફેબ્રુઆરી- ઓસ્ટ્રેલિયા વિરુદ્ધ દક્ષિણ આફ્રિકા, રાવલપિંડી ક્રિકેટ સ્ટેડિયમ, રાવલપિંડી
26 ફેબ્રુઆરી- અફઘાનિસ્તાન વિરુદ્ધ ઇંગ્લેન્ડ, ગદ્દાફી સ્ટેડિયમ, લાહોર
૨૭ ફેબ્રુઆરી- પાકિસ્તાન વિરુદ્ધ બાંગ્લાદેશ, રાવલપિંડી ક્રિકેટ સ્ટેડિયમ, રાવલપિંડી
28 ફેબ્રુઆરી- અફઘાનિસ્તાન વિરુદ્ધ ઓસ્ટ્રેલિયા, ગદ્દાફી સ્ટેડિયમ, લાહોર
1 માર્ચ - દક્ષિણ આફ્રિકા વિરુદ્ધ ઇંગ્લેન્ડ, નેશનલ સ્ટેડિયમ, કરાચી
2 માર્ચ- ન્યુઝીલેન્ડ વિરુદ્ધ ભારત, દુબઈ ઇન્ટરનેશનલ ક્રિકેટ સ્ટેડિયમ, દુબઈ
સેમિફાઇનલ અને ફાઇનલ ક્યાં યોજાશે?
4 માર્ચ – પહેલી સેમિ-ફાઇનલ, દુબઈ ઇન્ટરનેશનલ ક્રિકેટ સ્ટેડિયમ, દુબઈ
5 માર્ચ – બીજી સેમિ-ફાઇનલ, ગદ્દાફી સ્ટેડિયમ, લાહોર
9 માર્ચ - ફાઇનલ - ગદ્દાફી સ્ટેડિયમ, લાહોર (જો ભારત ફાઇનલમાં પહોંચે છે, તો મેચ દુબઈમાં રમાશે)
