ટ્રમ્પના ટેરિફ યુધ્ધ વચ્ચે બજારે મજબૂતી બતાવી, સેન્સેક્સ 593 પોઈન્ટ ઉછળ્યો, નિફ્ટી 23,332 પર બંધ

યુએસ પ્રમુખ ડોનાલ્ડ ટ્રમ્પ દ્વારા પારસ્પરિક ટેરિફની જાહેરાતની રાહ વચ્ચે બુધવારે (2 એપ્રિલ) ભારતીય શેરો મજબૂત વધારા સાથે બંધ થયા હતા. એચડીએફસી  બેન્ક અને આઇસીઆઇસીઆઇ બેન્ક જેવા હેવીવેઇટ શેરોમાં ખરીદીને કારણે બજારને ટેકો મળ્યો હતો.

GSTVની એપ્લિકેશન ડાઉનલોડ કરો

   

બીએસઇના 30 શેરો વાળા સેન્સેક્સ આજે 100 થી વધુ પોઈન્ટ વધીને 76,146.28ના સ્તર પર ખુલ્યા છે. ટ્રેડિંગ દરમિયાન તે 76,680 પોઈન્ટ સુધી ચઢી ગયો હતો. અંતે, સેન્સેક્સ 592.93 પોઈન્ટ અથવા 0.78% ના વધારા સાથે 76,617.44 પર બંધ થયો.

એ જ રીતે નેશનલ સ્ટોક એક્સચેન્જ (એનએસઇ)નો નિફ્ટી-50 આજે 23,192.60 પોઈન્ટ પર ખુલ્યો હતો. ટ્રેડિંગ દરમિયાન તે 23,350 પોઈન્ટ સુધી વધ્યો હતો. નિફ્ટી અંતે 166.65 પોઈન્ટ અથવા 0.72% વધીને 23,332.35 પર બંધ થયો.

આ પણ વાંચો :

અમદાવાદ: બાવળામાં પ્રેમિકાની છરી મારી કરપીણ હત્યા કરી પ્રેમી ફરાર

સંતાન પ્રાપ્તિના માર્ગમાં આવતા અવરોધોને દૂર કરો, તમારી ઈચ્છા ટૂંક સમયમાં પૂર્ણ થશે

નિફ્ટી રિયલ્ટી ઇન્ડેક્સ 3.61% વધ્યો
એનએસઇ પર તમામ ઈન્ડેક્સમાં વધારો જોવા મળ્યો હતો. આમાં નિફ્ટી રિયલ્ટી ઈન્ડેક્સે 3.61 ટકાના વધારા સાથે સૌથી વધુ વધારો નોંધાવ્યો હતો. આ પછી કન્ઝ્યુમર ડ્યુરેબલ્સ, બેન્કો અને ફાઈનાન્શિયલ સર્વિસિસનો સમાવેશ થાય છે, જેમાં 2.51 ટકા સુધીનો વધારો નોંધાયો હતો.

સેક્ટરલ ઈન્ડેક્સ પર નજર કરીએ તો નિફ્ટી એફએમસીજી ઈન્ડેક્સ 1.13%ના સારા વધારા સાથે 53,703 ના સ્તર પર બંધ થયો. બેન્ક નિફ્ટી 1.02%ના વધારાની સાથે 51,348 ના સ્તર પર બંધ થયા છે. નિફ્ટી ફાર્મા 0.87% વધીને 20,953ના સ્તર પર બંધ થયો. નિફ્ટી આઈટી 0.84%ના વધારા સાથે 36,284ના સ્તર પર અને નિફ્ટી ઓટો 0.82%ના વધારા સાથે 21,409ના સ્તર પર બંધ થયા છે.

ટોપ ગેનર્સ
સેન્સેક્સની 30માંથી 21 કંપનીઓના શેર લીલા નિશાનમાં બંધ થયા હતા. ઝોમેટોએ સૌથી વધુ ફાયદો ઉઠાવ્યો અને લગભગ 5% ના વધારા સાથે બંધ થયો. ટાઈટન, ઈન્ડસઈન્ડ બેંક, મારુતિ સુઝુકી ઈન્ડિયા અને ટેક મહિન્દ્રાના શેરમાં પણ મોટો ઉછાળો રહ્યો હતો. નિફ્ટી 50 પેકમાંથી, બીઇએલનો શેર 3.29% ના સૌથી મોટા ઘટાડા સાથે રૂ. 282.40 પર બંધ થયો, જ્યારે અલ્ટ્રા ટેક સિમેન્ટ શેર 1.13% નબળા પડીને રૂ. 11251 પર બંધ થયો. આ પછી, નેસ્લે ઈન્ડિયાનો શેર 1.05% ઘટીને રૂ. 2211ના સ્તરે બંધ થયો, જ્યારે પાવર ગ્રીડમાં 0.89%નો ઘટાડો નોંધાયો અને રૂ. 286.75ના સ્તરે બંધ થયો. આ સિવાય એલએન્ડટીના શેર 0.50% ઘટીને 3420 ના સ્તર પર બંધ થયા છે.

ટોપ લૂઝર્સ
બીજી તરફ નેસ્લે ઈન્ડિયાના શેર સૌથી વધુ તૂટ્યા હતા. બોફા સિક્યોરિટીઝ દ્વારા રેટિંગ ડાઉનગ્રેડને કારણે એફએમસીજી  કંપનીના શેરમાં ઘટાડો થયો હતો. આ સિવાય અલ્ટ્રા સિમેન્ટ, બજાજ ફાઈનાન્સ, પાવર ગ્રીડ, બજાજ ફિનસર્વ, એલએન્ડટી, એશિયન પેઈન્ટ્સ, એનટીપીસીના શેર ઘટાડા સાથે બંધ થયા હતા.

બુધવાર, 2 એપ્રિલે શેરબજારમાં ઉછાળાનું કારણ?
ઇન્ડેક્સમાં ભારે વેઇટેજ ધરાવતા એચડીએફસી બેન્ક અને આઇસીઆઇસીઆઇ બેન્ક જેવા બેન્કિંગ શેરોમાં વધારો અને ઇન્ફોસિસ જેવા આઇટી  શેરોએ બજારને ટેકો આપ્યો હતો. આ કારણે સેન્સેક્સ ઉછાળા સાથે બંધ થયો અને તેની અસર નિફ્ટી-50 પર પણ જોવા મળી.

જિયોજીત ઇન્વેસ્ટમેન્ટ્સ લિમિટેડના રિસર્ચ હેડ વિનોદ નાયરના જણાવ્યા અનુસાર, યુએસ ટેરિફ અંગે મિશ્ર વૈશ્વિક સંકેતો છતાં સ્થાનિક બજારમાં સતત વધારો જોવા મળ્યો હતો. આ આશાવાદ મોટે ભાગે એવી અપેક્ષાથી પ્રેરિત હતો કે ટેરિફની સ્થાનિક અર્થવ્યવસ્થા પર ઓછી અસર પડશે.

માર્ચમાં ભારતના મેન્યુફેક્ચરિંગ પીએમઆઈ દ્વારા સેન્ટિમેન્ટ વધુ મજબૂત બન્યું હતું, જે આઠ મહિનાની ટોચે પહોંચ્યું હતું, એમ તેમણે જણાવ્યું હતું. આનાથી 2025ના નાણાકીય વર્ષના ચોથા ક્વાર્ટરમાં કંપનીઓની કમાણીમાં પણ સુધારો જોવા મળ્યો છે.

મંગળવારે બજાર કેવું હતું?
મંગળવારે તકેદારીના કારણે ભારતીય શેરબજારોમાં જોરદાર પ્રોફિટ બુકિંગ જોવા મળ્યું હતું. બીએસઇ સેન્સેક્સ ઈન્ડેક્સ 1,390.41 પોઈન્ટ અથવા 1.80 ટકાના ઘટાડા સાથે 76,024.51 પર બંધ થયો હતો. એનએસઇ નિફ્ટી 50 પણ 353.65 પોઈન્ટ અથવા 1.50 ટકાના ઘટાડા સાથે 23,165.70 પર બંધ રહ્યો હતો.

વિદેશી રોકાણકારો (એફઆઇઆઇ) એ મંગળવારે રૂ. 5,901.63 કરોડના ભારતીય શેર વેચ્યા હતા, જ્યારે ડીઆઇઆઇ એ રૂ. 4,322.58 કરોડના શેર ખરીદ્યા હતા.

વૈશ્વિક બજારોની સ્થિતિ શું છે?
જાપાનનો નિક્કી 0.28 ટકા નીચામાં ટ્રેડ કરી રહ્યો છે, જ્યારે દક્ષિણ કોરિયાનો કોસ્પી 0.58 ટકા નીચે છે. જોકે ઓસ્ટ્રેલિયાનો ASX200 0.2 ટકા ઉપર છે. યુએસમાં S&P 500 0.38 ટકા વધ્યો અને Nasdaq Composite 0.87 ટકા વધ્યો. જોકે, ડાઉ જોન્સ ઈન્ડસ્ટ્રીયલ એવરેજ 0.03 ટકા ઘટ્યો હતો.