આ મ્યુચ્યુઅલ ફંડે રોકાણકારોને બનાવ્યા કરોડપતિ, 1 વર્ષમાં મળ્યું 40% વળતર 

શેરબજારમાં છેલ્લા કેટલાક દિવસો રોકાણકારો માટે ખૂબ જ નિરાશાજનક રહ્યા છે. આ સમયગાળા દરમિયાન સેન્સેક્સ અને નિફ્ટીમાં જોરદાર ઘટાડો જોવા મળ્યો છે. નિફ્ટી 27 સપ્ટેમ્બરના સર્વોચ્ચ સ્તરથી 10 ટકા ઘટ્યો છે. ત્યારથી નિફ્ટી 2744 પોઈન્ટ ગગડી ગયો હતો. નિષ્ણાતો આગામી સમયમાં વધુ ઘટાડાની અપેક્ષા રાખી રહ્યા છે. જ્યારે સેન્સેક્સની વાત કરીએ તો તેમાં તેના સર્વોચ્ચ સ્તરથી 8553 પોઈન્ટનો ઘટાડો જોવા મળ્યો છે. શેરબજારના નેગેટિવ ટ્રેન્ડના કારણે મ્યુચ્યુઅલ ફંડની ફરી એકવાર ખૂબ ચર્ચા થઈ રહી છે. આજે આપણે એવા જ એક મ્યુચ્યુઅલ ફંડ વિશે વાત કરીશું જેણે છેલ્લા 21 વર્ષમાં રોકાણકારોને કરોડપતિ બનાવ્યા છે. અહીં જાણો આ અંગે વિગતવાર.

GSTVની એપ્લિકેશન ડાઉનલોડ કરો

   

આ પણ વાંચો : શેરબજારમાં ધૂમ મચાવવા આવી રહ્યો છે આ સરકારી IPO, ગ્રે માર્કેટમાં હલચલ વધી

અહીં Baroda BNP Paribas Multi Cap Fund વિશે વાત કરી રહ્યા છીએ. આ ફંડ સપ્ટેમ્બર 2003માં શરૂ કરવામાં આવ્યું હતું. ચાલો તમને જણાવીએ કે, મલ્ટિકેપ એવા ફંડ છે જે લાર્જ કેપ, મિડ કેપ અને સ્મોલ કેપમાં રોકાણ કરે છે.

1 વર્ષમાં 40% વળતર

છેલ્લા એક વર્ષ દરમિયાન મલ્ટિકેપ મ્યુચ્યુઅલ ફંડે 40.29 ટકા વળતર આપ્યું છે. તેમજ છેલ્લા 21 વર્ષમાં આ શેરની કિંમતમાં 15.95 ટકાનો વધારો થયો છે. 31 ઓક્ટોબર સુધીના ડેટા અનુસાર, બરોડા BNP પરિબાસ મલ્ટી કેપ ફંડની કુલ સંપત્તિ 2739 કરોડ રૂપિયા છે. રિપોર્ટ અનુસાર, જો કોઈ રોકાણકારે 21 વર્ષ પહેલાં રૂ. 7000ની SIP કરી હોત તો તેનું રોકાણ રૂ. 1 કરોડને પાર કરી ગયું હોત. તમને જણાવી દઈએ કે, આ સમયગાળા દરમિયાન કોઈપણ રોકાણકારે 17.64 લાખ રૂપિયાનું રોકાણ કર્યું હશે.

14 નવેમ્બરના રોજ બરોડા BNP પરિબા મલ્ટી કેપ ફંડની નેટ એસેટ વેલ્યુ 312.47 રૂપિયા હતી. આ મ્યુચ્યુઅલ ફંડનો એક્સપેન્સ રેશિયો 0.93 ટકા રહ્યો છે. અહીં જાણો કંપની કયા ક્ષેત્રમાં રોકાણ કરે છે?

નાણાકીય (18.3 ટકા), કેપિટલ ગુડ્સ (14.05 ટકા), સર્વિસેઝ (13.73 ટકા), હેલ્થકેર (9.46 ટકા), કન્ઝ્યુમર (7.52 ટકા), એનર્જી (7.1 ટકા), મેટલ એન્ડ માઇનિંગ (5.4 ટકા), ટેકનોલોજી (5.25 ટકા) , ઓટોમોબાઈલ (3.52 ટકા), કેમિકલ્સ (2.97 ટકા)

ખાસ નોંધ : મ્યુચ્યુઅલ ફંડ જોખમોને આધીન છે. કોઈપણ રોકાણ કરતા પહેલા, કૃપા કરીને ચકાસાયેલ નિષ્ણાતોની સલાહ લો.