તાજેતરના વર્ષોમાં વિશ્વના અમીરોની નેટવર્થમાં નોંધપાત્ર વધારો થયો છે. ધનિકોએ ઘણી જગ્યાએ તેમના પૈસા રોક્યા છે. નાઈટ ફ્રેન્ક દ્વારા હાથ ધરવામાં આવેલા તાજેતરના સર્વે અનુસાર, ધનિકોએ તેમના પોર્ટફોલિયોના માત્ર બે ટકા જ સોનામાં અને એક ટકા ક્રિપ્ટો એસેટ્સમાં રોકાણ કર્યું છે. આ સર્વે $2.5 ટ્રિલિયનની સંપત્તિનું સંચાલન કરતા 500 સંપત્તિ સંચાલકો વચ્ચે કરવામાં આવ્યો હતો. આ મુજબ અતિ સમૃદ્ધ લોકોએ તેમના મોટા ભાગના નાણાં પ્રોપર્ટી, ઇક્વિટી અને બોન્ડમાં રોક્યા છે.

