Last Update :
03 Jul 2025
IBPS એ વિવિધ સરકારી બેંકોમાં સ્પેશિયાલિસ્ટ ઓફિસરની જગ્યાઓ માટે ભરતી બહાર પાડી છે. રસ ધરાવતા ઉમેદવારો 21 જુલાઈ સુધી IBPS ibps.in ની સત્તાવાર વેબસાઈટની મુલાકાત લઈને આ જગ્યાઓ માટે અરજી કરી શકે છે. અરજી કરતા પહેલા, ઉમેદવારોએ જારી કરાયેલ સત્તાવાર નોટિફિકેશન વાંચી લેવું જોઈએ.
GSTVની એપ્લિકેશન ડાઉનલોડ કરો
આ ભરતી પ્રક્રિયા દ્વારા સ્પેશિયાલિસ્ટ ઓફિસરની કુલ 1007 જગ્યાઓ પર ભરતી થવાની છે. પસંદ કરાયેલા ઉમેદવારોને બેંક ઓફ બરોડા, બેંક ઓફ ઈન્ડિયા, બેંક ઓફ મહારાષ્ટ્ર, કેનેરા બેંક, સેન્ટ્રલ બેંક ઓફ ઈન્ડિયા, ઈન્ડિયન બેંક, ઈન્ડિયન ઓવરસીઝ બેંક, પંજાબ નેશનલ બેંક, પંજાબ અને સિંધ બેંક, યુકો બેંક અને યુનિયન બેંક ઓફ ઈન્ડિયામાં નિમણૂક આપવામાં આવશે.
ખાલી જગ્યાની વિગત
- કૃષિ ક્ષેત્ર અધિકારી - 310 જગ્યાઓ
- એચાર/ કર્મચારી અધિકારી - 10 જગ્યાઓ
- આઈટી અધિકારી - 203 જગ્યાઓ
- લો અધિકારી - 56 જગ્યાઓ
- માર્કેટિંગ અધિકારી - 350 જગ્યાઓ
- રાજભાષા અધિકારી - 78 જગ્યાઓ
શૈક્ષણિક લાયકાત
આઈટી અધિકારી પદો માટે અરજી કરનારા ઉમેદવારો પાસે કમ્પ્યુટર સાયન્સ / આઈટી / કમ્પ્યુટર એપ્લિકેશન્સ / ઈલેક્ટ્રોનિક્સ અને કોમ્યુનિકેશન એન્જિનિયરિંગ / ઈલેક્ટ્રોનિક્સ અને ટેલિકોમ્યુનિકેશન / ઈલેક્ટ્રોનિક્સ અને ઈન્સ્ટ્રુમેન્ટેશન અથવા ઈન્સ્ટ્રુમેન્ટેશનમાં ચાર વર્ષની એન્જિનિયરિંગ ડિગ્રી હોવી જોઈએ. આ સિવાય DOEACC 'B' સ્તરની પરીક્ષા પાસ કરનારા સ્નાતક ઉમેદવારો પણ અરજી કરી શકે છે. કૃષિ અધિકારીની જગ્યા માટે, અરજદાર પાસે કૃષિ / બાગાયત / પશુચિકિત્સા વિજ્ઞાન / ડેરી વિજ્ઞાન / કૃષિ ઇજનેરી / મત્સ્ય વિજ્ઞાનમાં ગ્રેજ્યુએશનની ડિગ્રી હોવી જોઈએ. અન્ય જગ્યાઓ માટે લાયકાત સંબંધિત માહિતી માટે, ઉમેદવારો બહાર પાડવામાં આવેલું નોટિફિકેશન ચેક કરી શકે છે.
વય મર્યાદા
IBPS SO ભરતી માટે અરજી કરનારા ઉમેદવારની લઘુત્તમ ઉંમર 20 વર્ષ અને મહત્તમ ઉંમર 30 વર્ષ હોવી જોઈએ. ઉમેદવારનો જન્મ 2 જુલાઈ 1995 પહેલા અને 1 જુલાઈ 2005 પછી ન થયો હોવો જોઈએ. OBC કેટેગરી માટે મહત્તમ વય મર્યાદામાં 3 વર્ષ અને SC અને ST કેટેગરી માટે 5 વર્ષ છૂટ આપવામાં આવી છે.
અરજી કેવી રીતે કરવી?
- IBPS ibps.in ની સત્તાવાર વેબસાઈટની મુલાકાત લો.
- હોમ પેજ પર આપેલ CRP-SPL-XV લિંક પર ક્લિક કરો.
- હવે IBPS SO 2025 અરજી લિંક પર ક્લિક કરો.
- રજીસ્ટ્રેશન કરો અને અરજી ફોર્મ ભરો.
- જરૂરી ડોક્યુમેન્ટ અપલોડ કરો અને ફી સબમિટ કરો.
- છેલ્લે ફોર્મની પ્રિન્ટઆઉટ લઈ લો.
પસંદગી પ્રક્રિયા
SOની જગ્યા માટે ઉમેદવારોની પસંદગી ત્રણ તબક્કામાં કરવામાં આવશે. પ્રિલિમ્સ, મેઈન્સ અને ઇન્ટરવ્યુ. પ્રિલિમ્સ પાસ કરનારા ઉમેદવારો મેઈન્સમાં હાજર રહેશે. મેઈન્સ પાસ કરનારા ઉમેદવારો ઇન્ટરવ્યુમાં હાજર રહેશે. અંતિમ પસંદગી ઇન્ટરવ્યુ અને મેઈન્સમાં મેળવેલા ગુણના આધારે કરવામાં આવશે.
