કેપ્ટન સ્મૃતિ મંધાના મહિલા ટી20માં સદી ફટકારનાર બીજી ભારતીય બની

કેપ્ટન સ્મૃતિ મંધાનાએ 51 બોલમાં સદી ફટકારી અને હરમનપ્રીત કૌર પછી ઝડપી ક્રિકેટમાં સદી ફટકારનાર બીજી ભારતીય મહિલા ખેલાડી બની. અત્યાર સુધી આ ફોર્મેટમાં ફક્ત બે ભારતીયોએ સદી ફટકારી છે.

GSTVની એપ્લિકેશન ડાઉનલોડ કરો

   

ભારતીય મહિલા ટીમની કેપ્ટન સ્મૃતિ મંધાનાએ ઇંગ્લેન્ડ સામેની પ્રથમ ટી20 મેચમાં સદી ફટકારી. તે મહિલા ટી20 ક્રિકેટમાં સદી ફટકારનાર બીજી ભારતીય ખેલાડી બની છે. મંધાનાએ 51 બોલમાં સદી ફટકારી અને હરમનપ્રીત કૌર પછી ઝડપી ક્રિકેટમાં સદી ફટકારનાર બીજી ભારતીય મહિલા ખેલાડી બની. અત્યાર સુધી આ ફોર્મેટમાં ફક્ત બે ભારતીયોએ સદી ફટકારી છે.

ભારતે 211 રનનો લક્ષ્યાંક આપ્યો હતો

હરમનપ્રીતની ગેરહાજરીમાં ટીમનું નેતૃત્વ કરી રહેલી મંધાનાએ આ મેચમાં શાનદાર પ્રદર્શન કર્યું અને 15 ચોગ્ગા અને 3 છગ્ગાની મદદથી 62 બોલમાં 112 રન બનાવ્યા. આ મજબૂત ઇનિંગની મદદથી ભારતીય મહિલા ટીમે 20 ઓવરમાં પાંચ વિકેટે 210 રન બનાવ્યા. ઇંગ્લેન્ડે ટોસ જીતીને પ્રથમ બોલિંગ કરવાનો નિર્ણય લીધો. મંધાના અને શેફાલી વર્માએ ભારતને સારી શરૂઆત અપાવી. મંધાના શરૂઆતથી જ લયમાં દેખાતી હતી, જ્યારે શેફાલી સંઘર્ષ કરતી જોવા મળી.