Last Update :
03 Jul 2025
સુરત મહાનગરપાલિકા દ્વારા પાલતુ શ્વાનના માલિકો માટે નવા નોટિફિકેશન અને નિયમો જાહેર કરવામાં આવ્યા છે, જેનો હવે ભારે વિરોધ શરૂ થયો છે. ડોગ્સ ઓનર એન્ડ વેલ્ફેર કમીટી દ્વારા કલેક્ટરને આવેદનપત્ર આપી સૂચના આપવામાં આવી છે કે પાલિકા દ્વારા લાગુ કરાયેલા નિયમો મનમાની અને બિનકાયદેસર છે.
GSTVની એપ્લિકેશન ડાઉનલોડ કરો
ભારત સરકારના નિયમનું ઉલ્લંઘન
આવેદનમાં જણાવાયું કે ગુજરાત સરકાર વર્ષોથી પ્રાણી રજિસ્ટ્રેશન અને ટેક્સ સંબંધિત નિયમોને અનુસરી રહી છે. પરંતુ સુરત પાલિકા દ્વારા બનાવવામાં આવેલ નવા નિયમોમાં પાડોશીઓની સહિ અને પ્રમાણપત્ર લેવાની ફરજ, તથા વિવિધ અસંવિધાનિક પ્રક્રિયાઓ લાગુ કરવામાં આવી છે, જેને લઇને પ્રાણીઓના અધિકાર અને માલિકોની ઉપર ઘા થઈ રહ્યો છે.
નિયમો પાછા ખેંચાય તેવ માગ
આ મુદ્દે સંગઠનના હોદ્દેદારોએ કટાક્ષ કર્યો કે પાલિકા પોતાની મર્જીથી 2008ના ફોર્મના આધારે નવી મનઘડંત નીતિઓ અમલમાં મૂકી રહી છે, જેના માટે neither રાજ્ય સરકારની મંજૂરી છે, ન તો ભારત સરકારના કાયદાના માપદંડોનું પાલન છે.ભારતના બંધારણમાં પણ પ્રાણીઓ પર દયા અને અનુકંપા રાખવાની જોગવાઈ છે. જોકે પાલિકા દ્વારા જાહેર કરાયેલા નિયમો કાયદાકીય મંજૂરી વિના લાગુ કરવા આવી રહ્યા છે. આવેદનમાં જણાવાયું કે આ મુદ્દે સત્તાવાર રીતે સરકારનું ધ્યાન દોરાવવામાં આવ્યુ છે અને પાલિકા પર કાયદેસર કાર્યવાહી કરવાની માંગ કરાઈ છે.સંસ્થા દ્વારા કલેક્ટર કચેરી બહાર દેખાવો પણ યોજવામાં આવ્યા હતા અને માંગ કરવામાં આવી કે પાલિકા તરત આ બિનમંજૂર અને વિવાદાસ્પદ નીતિઓ પાછી ખેંચે.
