દિલ્હી જતી ઇન્ડિગોની ફ્લાઇટ સાથે અથડયું પક્ષી, પટનામાં ઇમરજન્સી લેન્ડિંગ; 169 યાત્રીઓના જીવ તાળવે ચોંટ્યા

Patna Delhi Indigo Flight Emergency Landing: બુધવારે સવારે પટનાથી દિલ્હી જતી ઇન્ડિગો ફ્લાઇટ (નંબર IGO5009)ને ટેકઓફ કર્યાની થોડી મિનિટો પછી પટણા એરપોર્ટ પર ઈમરજન્સી લેન્ડિંગ કરવું પડ્યું. એક પક્ષી વિમાન સાથે અથડાયું જેના કારણે એક એન્જિનમાં ભારે કંપન થયું. પાયલોટે તાત્કાલિક ATC ને જાણ કરી અને સલામતીને ધ્યાનમાં રાખીને વિમાનને પટણા લાવવામાં આવ્યું.

GSTVની એપ્લિકેશન ડાઉનલોડ કરો

   

વિમાનમાં કુલ 175 લોકો સવાર હતા 

આ ઘટના સવારે 8:42 વાગ્યે જયપ્રકાશ નારાયણ ઇન્ટરનેશનલ એરપોર્ટ પર બની હતી. એરપોર્ટ અધિકારીઓએ રનવે પર મૃત પક્ષી પણ મળી આવ્યું હતું, જેનાથી અથડામણની પુષ્ટિ થઈ હતી. વિમાનમાં કુલ 175 લોકો સવાર હતા, જેમાં 169 મુસાફરો અને 6 ક્રૂ મેમ્બર્સનો સમાવેશ થાય છે. બધા મુસાફરો સુરક્ષિત છે.

આ પણ વાંચો :

ઇન્ડિગો એરલાઇન્સનું નેટવર્ક ઠપ, એરપોર્ટ પર હજારો મુસાફરો અટવાયા

કોચ્ચીથી દિલ્હી જતી ઇન્ડિગોની ફ્લાઇટને મળી બોમ્બની ધમકી, નાગપુરમાં ઇમરજન્સી લેન્ડિંગ

વિમાનની ટેકનિકલ તપાસ શરૂ કરવામાં આવી છે

પટણા એરપોર્ટે જણાવ્યું હતું કે વિમાનને સવારે 9:03 વાગ્યે રનવે-7 પર સુરક્ષિત રીતે લેન્ડ કરવામાં આવ્યું હતું. અમદાવાદમાં તાજેતરમાં થયેલા વિમાન દુર્ઘટના બાદ, દેશભરના એરપોર્ટ પર તકેદારી વધારી દેવામાં આવી છે. હવે મુસાફરોને દિલ્હી લઈ જવા માટે વૈકલ્પિક ફ્લાઇટની વ્યવસ્થા કરવામાં આવી રહી છે અને વિમાનની ટેકનિકલ તપાસ શરૂ કરવામાં આવી છે.